Nota de prensa:
A DEPUTACIÓN DE LUGO DESTINA 90.000 EUROS A REALIZAR ACTIVIDADES CULTURAIS NOS CENTROS VECIÑAIS DE RIOTORTO
O alcalde de Riotorto, Federico Gómez, asinou este convenio, que achegará aos veciños e veciñas do concello a posibilidade de coñecer mellor o noso país e a nosa historia
RIOTORTO, 29 de novembro de 2010. Antonio Veiga, delegado de Cultura e Deporte da Deputación de Lugo, acompañou ao alcalde de Riotorto, Federico Gutiérrez, na sinatura do convenio polo cal a Área de Cultura da Deputación colaborará con este concello aportando 90.000 euros para a realización dun programa anual de actividades, que se desenvolverán nos centros veciñais de Riotorto. Estes centros foran recuperados polo goberno do concello, e están distribuídos polas parroquias do municipio.
Como explicou Antonio Veiga, esta iniciativa “fará que os veciños e veciñas coñezan mellor o noso país e a nosa historia, a través de actividades culturais, educativas e lúdicas”. Manifestou que “se dará vida a todas esas parroquias onde se están mellorando os centros veciñais por medio de actividades para todos os públicos”. Antonio Veiga explicou que “deste xeito, ofreceranse actividades culturais como poden ser Coñece Galiza ou Viaxa por Galiza, ou exposicións e obradoiros de recuperación da memoria histórica tradicional”.
Desenvolveranse dentro deste programa actividades como recuperación e práctica de xogos tradicionais da zona e galegos, actividades específicas de avellentamento activo para persoas maiores, etc. Todo este programa, segundo explicou Veiga, “ten como finalidade ofrecer alternativas culturais e de lecer á poboación dun concello pequeno como é Riotorto, que doutro xeito carecería de todas estas posibilidades, aproveitando para elo os Centros Veciñais que se rehabilitaron nas parroquias”.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
Polos micrófonos pasaron entre outras as concelleiras de Cultura e Turismo: Begoña Sanjurjo e Marta Saíz; o alcalde, Dani Vega; a pdta de Acisa, Carmen Cruzado; a dtra da Coral Polifónica de Ribadeo, Mari Carmen Rdez Cancelo; a pregoeira, María Xosé Porteiro ou Ángel Terry, membro do afamado grupo de son cubano, Estrellas de Buena Vista y más que foron os encargados de pechar o evento na xornada do domingo.
A alcaldesa, Dolores García Caramés, e o concelleiro Adrián Arias non quixeron perderse a cita e foron os encargados de facer entrega dos premios ás persoas gañadoras, felicitando a todos os participantes polo seu esforzo e polo gran nivel demostrado durante a competición. Desde o Concello de Cervo expresaron o agradecemento á Asociación Cabaleiros da Bidueira polo excelente traballo de organización, así como a todas as persoas colaboradoras, participantes e público asistente que fixeron posible o éxito desta terceira edición.
María José Gómez, participou este sábado nos actos de celebración do XI Ribadeo Indiano.
