A recente decisión da compañía aérea irlandesa Ryanair suprimindo, dende a fin da presente tempada de verán, toda a súa oferta no aeroporto de Vigo-Enrique Peinador, pechando a súa base no aeroporto compostelán Rosalía de Castro e restrinxindo substancialmente a oferta neste mesmo aeroporto (suprime as conexións con Madrid, Barcelona, Málaga, Alacant, Palma de Mallorca, Zaragoza e Gran Canaria, restrinxindo nun 50% as conexións semanais con València, nun 60% con London-Stansted e Lanzarote e nun 70% con Tenerife Sur) é moi lesiva para os intereses de Galicia. Neste senso, o CEO da aerolínea irlandesa, Eddie Wilson denunciou na política tarifaria meramente recadatoria de AENA que só atende aos grandes aeroportos do Estado español, desatendendo os pequenos e medianos, como os tres galegos.
Non vou defender o modus operandi da empresa irlandesa, sempre atenta á maximización do seu beneficio ás custas dos dereitos e intereses das persoas usuarias e da súa propia imaxe e reputación, que lle preocupa moi pouco ao alicerzaren a súa política comercial no baixo custo. Mais o certo é que coincido ao cento por cento na diagnose que fai AENA da xestión dos tres aeroportos galegos, que efectivamente é moi desaquelada e mesmo catastrófica. AENA (participada nun 51% polo Estado español e no outro 49% por investidores privados) constitúe o modelo de xestión aeroportuaria máis centralizado e burocratizado de Europa, como teño escrito adoito nos últimos dezaseis anos, canda persoas tan autorizadas como o catedrático de Xeografía da USC e director xeral de Turismo da Xunta entre 2005 e2009, Rubén Lois.
Neste absurdo de xestión as cafetarías, aparcadoiros e handling contrátanse para os tres aeroportos galegos… en Madrid! Esta microxestión centralizada, que ignora as necesidades de cada aeroporto, canda un desaquelado gravame de taxas, xera unha ineficiencia masiva, imposibilitando a adopción de decisións áxiles e aqueladas ás necesidades locais, sexa para atraer novas rutas, for para xestionar os espazos comerciais ou para xestionar os servizos. Deste xeito, a xestión de AENA naufraga na ineficacia e impide que os nosos tres aeroportos poidan ser usados como ferramentas estratéxicas para potenciar as nosas vocacións exportadora e de atracción equilibrada dun turismo sostíbel.
Non hai outro camiño que a transferencia ou delegación da competencia a respecto dos tres aeroportos galegos de interese xeral á Xunta de Galicia (a medio dunha lei orgánica das previstas no artigo 150.2 da Constitución) como ven de afirmar a líder do BNG, Ana Pontón, como xa propuxo o conselleiro de Turismo (BNG), Fernando Blanco no 2008 e como defendeu o goberno Fraga no 1997 (Xosé Cuiña, conselleiro de Transportes) e 2004 (proposta de transferencias do conselleiro Xesús Palmou ao ministro Jordi Sevilla). Neste senso, é de salientar a covardía política do conselleiro responsábel da Mobilidade, pregándose ao centralismo do PP estatal e arrombando as solucións políticas propostas polos conselleiros do Presidente Fraga en momentos ben diferentes do seu mandato presidencial.
A xestión autonómica dos tres aeroportos (o control do tráfico aéreo seguiría a ser competencia partillada entre o Estado e a Unión Europea baixo a dirección desta ) permitiría coordinar cadansúa oferta e especializar cada aeroporto, integrando os tres nun sistema galego de mobilidade que acadaría tamén a conexión rápida e continúa por estrada entre os aeroportos e as estacións intermodais.
A xestión autonómica dos tres aeroportos, en último de contas, habería obter unha xestión eficiente refugando do sistema centralista e burocrático de AENA para abrir a xestión dos servizos de cada unha das tres infraestruturas á colaboración consorciada entre a Administración galega, as Administracións locais das tres áreas urbanas e os principais axentes sociais e económicos da sociedade civil.
Seguir a dependermos da xestión catastrófica de AENA é letal para o futuro económico deste país.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
