Os populares lembran que “Burela é o terceiro concello da Mariña pola cola en gasto social por veciño e veciña” e sinalan “a mala xestión do goberno local nos accesos ao centro de saúde” despois do festival Osa do Mar, “salpicando coa súa lamentable actuación a boa organización de Fanto Fantini”
Burela, 9 de setembro de 2025. O Grupo Municipal Popular sinala “dous pequenos exemplos” que desmenten “o proteccionismo social do que se vangloria o bipartito da señora López Moreno”. Por unha banda, “Burela é o terceiro concello da Mariña pola cola en gasto social por veciño e veciña” e, por outra, “o goberno local é responsable da mala xestión do acceso ao centro de saúde para persoas con mobilidade reducida despois da celebración do festival Osa do Mar”.
Os populares trasladan a súa “profunda alegría” polo éxito acadado pola asociación Fanto Fantini esta fin de semana á hora de organizar o festival Osa do Mar, que un ano máis conta co apoio da Xunta de Galicia. E lamentan que “este evento se vexa salpicado pola lamentable actuación do Concello de Burela gobernado pola señora López Moreno á hora de xestionar o acceso ao centro de saúde”.
Dende o PP local aseguran que “foron numerosas as queixas de persoas con mobilidade reducida que viron dificultado o seu aceso ao centro de atención primaria debido ás rúas cortadas sen ton nin son, falta de información e valados colocados mal e a destempo”, subliñan. Incluso se apreciaba este luns pola mañá a presencia de valados na escalinata que impedían o acceso ás persoas que acompañaban ás persoas con mobilidade reducida.
Os populares levan denunciando dende o pasado mandato esta falta de compromiso do goberno local co ámbito social. “A algún veciño pódelle sorprender os datos feitos públicos recentemente polos medios de comunicación sobre o gasto social en Burela á vista de que se vanglorian do proteccionismo social, pero nós xa o levamos anos advertindo”.
Os concelleiros do Partido Popular aseguran que “o bipartito constantemente di que fai e aparenta facer, pero os feitos falan por si sos”.
A clínica focense comprométese coa entidade laranxa e segue garantizándonos o bo estado de saúde dos nosos dous planteis.
Na reunión tratáronse as principais necesidades do municipio e exploráronse posibles vías de colaboración desde a Xunta para levar a cabo iniciativas conxuntas, no marco do compromiso do Goberno galego co eido local.
Xunto aos asistentes estiveron o alcalde, Dani Vega, e a concelleira de Benestar Social, Elena Sierra, que lles agradeceron que escolleran a vila ribadense para a celebración deste encontro.
Á tarde foi a sesión regato nas Escolas vellas de Cervo da man de Caxoto coa colaboración de Tarabela Creativa e Airiños do Xunco. Pola noite foi a quenda da sesión Río para público adulto no local Social da asociación de veciños do Burgo de Trasbar da man de Dani Blanco.
Félix Jorquera entrevistou ao alcalde, Fran Cajoto; ao concelleiro de Relacións Institucionais, Comunicación e Coordinación de Axenda 2030, Carlos García; os presidentes do CB Celtas de Foz e do CD Foz, Carmen Alonso e Asier Burundarena; e á dona da cafetería Marexada, Palmira Andrade. Con eles fixo un balance do verán, que está a piques de rematar, e que foi moi positivo para Foz, segundo subliñaron os participantes, analizou os proxectos para os vindeiros meses e pulsou o deporte local.
Convida a retomar unha vida activa tras o verán facilitando a inscrición con matrícula gratuíta e, para os máis indecisos unha proba de 3 días gratis para coñecer o centro deportivo e os seus servizos.
Unha selección de obras cheas de cor, creatividade e expresividade de Xosé López Losada "Xolo". Unha viaxe artística a través de máis de 70 cadros, onde cada peza conta a súa propia historia. Poderá visitarse ata o 30 de setembro.
