A Xunta de Goberno provincial, como órgano competente para a resolución da convocatoria dos distintivos, debe aprobar agora a decisión tomada polo Consello, para publicarse posteriormente no Boletín Oficial da Provincia
Lugo, 12 de setembro de 2025. A Vicepresidenta do Consello Provincial de Turismo e Deputada de Réxime Interior, Promoción do Territorio e Turismo, Pilar García Porto, presidiu este venres no Pazo de San Marcos a sesión deste órgano participativo e consultivo na que se fallaron os sextos premios á excelencia do turismo e a gastronomía da provincia.
Na categoría Lugo Cambia ao Turismo Lucense, o xurado distinguiu ao programa de actividades Descubrir Quiroga, a festa da Queima das fachas de Taboada e tamén á Foliada da Fonsagrada; na de …E para comer, Lugo á gastronomía lucense gañaron a Feira do Queixo do Cebreiro e a Feira Degustación da Tenreira de Láncara. Pola súa banda, Camiño cara a sostibilidade turística da Mariña Lucense foi a recoñecida polo seu traballo ao Turismo Sostible e o Hotel Mogay recibiu o accésit nesa categoría.
“Estes premios son un pulo en termos de proxección, o que supón atraer máis visitantes, xerar riqueza e fomentar o emprego. Este ano consolidamos un recoñecemento co que tamén incentivamos a modernización do sector, para que se xeren propostas innovadoras, suxerintes e adaptadas aos novos tempos”, valorou García Porto.
O xurado estivo formado polas 17 persoas que forman parte do Consello de Turismo, representantes deste sector e deputados e deputadas dos tres grupos políticos da Corporación provincial. A Xunta de Goberno da Deputación de Lugo, como órgano competente para a resolución da convocatoria dos distintivos, deberá agora aprobar a decisión adoptada polo Consello Provincial de Turismo, e posteriormente publicarase no Boletín Oficial da Provincia (BOP).
Os premios Lugo Cambia ao turismo lucense, …E para comer, Lugo á gastronomía lucense e de Turismo Sostible teñen un carácter honorífico e consistirán na entrega dun diploma acreditativo e dunha peza de artesanía tradicional da provincia de Lugo.
Os Premiados
O programa Descubrir Quiroga é unha proposta que puxo en marcha Concello de Quiroga coa intención de dinamizar o turismo rural e de natureza, apoiar a economía local, promover a cultura deste concello da Ribeira Sacra e dar a coñecer o patrimonio do municipio. Roteiros, barranquismo, piragüismo, visitas a museos, parapente ou percorrido polo Camiño de Inverno foron algunhas das actividades do proxecto.
A Queima das fachas de Taboada é unha festa tradicional con lume que organiza a Asociación Cultural As Fachas en Castelo durante a noite do 7 de setembro. Son paos de bidueiro ou pino de entre seis e sete metros de altura, cubertos de agucios que se amarran con vimbias, aos que se lles prende lume chegada a media noite. Unha experiencia turística con valor cultural e diferencial.
A Foliada da Fonsagrada é unha festa que organiza a Asociación Cultural Petapouco e a Destempo fonsagradina e constitúe unha iniciativa singular que tense convertido nun motor de dinamización cultural e turística no corazón da Montaña lucense. É unha cita que promove a posta en valor do patrimonio inmaterial a través da música, o baile tradicional, a artesanía e a gastronomía local. A programación inclúe obradoiros, actuacións musicais, feira de produtos locais e actividades abertas á veciñanza.
No ano 1987 tres concellos da Montaña, As Nogais, Triacastela e Pedrafita do Cebreiro, decidiron celebrar a primeira Festa do Queixo do Cebreiro coa que se pretendía potenciar os produtos artesáns e concienciar á sociedade dos problemas da gandeiros. Na actualidade, os postos de venda de queixos conviven con música e pasarrúas nunha xornada festiva que enxalza as tradicións e a cultura da contorna.
Declarada Festa de Interese Turístico de Galicia, a Feira de degustación da Tenreira que organiza o Concello de Láncara é unha feira gastronómica que se ten convertido nun punto de encontro do sector cárnico, consumidores, gandeiros e elaboradores. Unha plataforma que serve para visibilizar a gastronomía local tradicional, a alimentación saudable e a agricultura ecolóxica.
Camiño cara a sostibilidade turística da Mariña Lucense é unha proposta da Mancomunidade de Concellos da Mariña Lucense na que leva traballando desde a súa creación no ano 2011. Un modelo de turismo slow que comprende diferentes produtos turísticos como audioguías ficcionadas, actividades organizadas fóra de temporada alta, talleres para poñer en valor a actividade artesanal do destino turístico, conversas a redor da gastronomía ou a campaña A Mariña latexa contigo posta en marcha este ano.
O Hotel Mogay é unha empresa familiar situada en Chantada que leva décadas apostando por unha transformación sostible. Un espazo moderno, eficiente e comprometido coa contorna que non renuncia a identidade local. A súa aposta pola eficiencia enerxética, a formación continua, a integración na comunidade e a valorización do patrimonio cultural converten a este establecemento nun modelo replicable e inspirador para outros negocios turísticos do rural galego.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
