A secretaria de Organización do PSdeG desprazouse ás zonas afectadas polo incendio que desde onte arrasou 80 hectáreas no municipio lucense e deixa cinco bombeiros hospitalizados por queimaduras graves
Barreiros, 15 de setembro de 2025. A secretaria de Organización do PSdeG e viceportavoz segunda do Grupo Socialista no Parlamento Galego, Lara Méndez, desprazouse esta mañá ata Barreiros para comprobar a evolución do incendio que se declarou onte á tarde na parroquia de San Xusto de Cabarcos. O lume consumiu desde entón 80 hectáreas e obrigou a desaloxar das súas vivendas a unha decena de persoas, aínda que finalmente as lapas non afectaron ás casas.
“O que tocaba hoxe era estar en Barreiros para apoiar aos veciños e veciñas e o traballo dos brigadistas”, asegurou Méndez, que insistiu no compromiso do PSdeG de “estar sobre o terreo” para acompañar ás persoas afectadas polos incendios e proporcionarlles axuda. “Como dixo o secretario xeral, estaremos atendendo as necesidades da xente agora e despois, tal como fixemos onte en Valdeorras”, subliñou.
A deputada socialista mostrou a súa preocupación polos cinco bombeiros da brigada helitransportada de Castromaior que sufriron queimaduras graves nos labores de extinción, e que permanecen hospitalizados na Coruña. A eles, desexoulles unha pronta recuperación.
Lara Méndez estivo acompañada pola portavoz socialista no Concello de Barreiros, Carmen Veiga, e polo alcalde da Pontenova, Darío Campos, que enviou tres traballadores e dúas motobombas á zona para participaren no operativo contra o lume. Durante o percorrido, tiveron oportunidade de conversar con membros das brigadas, que xa conseguiron estabilizar o incendio.
Máis tarde, Lara Méndez achegouse a Lourenzá, municipio que permaneceu en alerta durante a noite pola posibilidade de que as chamas chegasen ao seu territorio. De feito, nalgún momento si o fixeron. Xunto á alcaldesa, Rocío López, visitou a zona afectada, á que o Concello enviou un equipo de Protección Civil.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
