O Concello de Muras organiza a feira, que conta co apoio da Vicepresidencia da Deputación de Lugo
Muras, 22 de setembro de 2025. O Concello de Muras celebrará o vindeiro 28 de setembro unha nova edición da Feira do Poldro e do gando do monte, co apoio da área de Rural da Vicepresidencia da Deputación de Lugo.
O deputado de Rural Daniel García, o alcalde de Muras Manuel Requeijo, a tenente de alcalde Paula Gómez , acompañadas polo presidente da Asociación de Cabaleiros Atila Benigno Gómez e por Moisés García, vogal de Puraga, presentaron no Alto da Gañidoira o programa da feira, que cumpre trinta e sete edicións.
Arredor da feira, que abrirá ás 10.00 horas, desenvolveranse diferentes actividades de posta en valor da tradición gandeira e de promoción da carne de poldro. Entre elas, o concurso de gando da feira, un certame morfolóxico de Puraga, carreiras de andadura e unha degustación de hamburguesas de carne de poldro de Pura Raza Galega. O recinto da feira contará tamén cunha demostración de talla de madeira e unha carpa con actividades infantís de iniciación no mundo do cabalo, así como ambientación musical.
A tenente de alcalde e coordinadora da feira Paula Gómez destacou a continuidade de actividades como as carreiras de andadura, que se celebran por terceira edición e que teñen un gran seguimento, ou a demostración de talla de madeira, coa que o Concello está creando unha colección de figuras.
Alén diso, destacou como un dos obxectivos fundamentais da feira “a promoción da carne de poldro e de bovino que se produce en Muras, de excelente calidade” e seguir abrindo canles para que as vaciñas e veciños que se dedican á gandería, como actividade principal ou complementaria, poidan rendibilizar o seu traballo”.
O alcalde de Muras Manuel Requeijo destacou nese sentido outras iniciativas que se promoven desde o Concello para impulsar a comercialización dos produtos de Muras, como a creación da marca Muras, un proxecto no que a Vicepresidencia da Deputacion e o Concello traballan coa Universidade de Santiago.
Daniel García destacou “que a Feira do Poldro de Muras é un espello no que se miran outras feiras cabalares ou de gando da provincia e do país, e no que miramos tamén desde a área de Rural da Vicepresidencia da Deputación para poñer en marcha iniciativas de promoción dos produtos de razas autóctonas” e valorou “a plataforma que ofrece a feira para recoñecer e trasladar ao conxunto da sociedade o valor ambiental, social e cultural da gandería e dos sistemas tradicionais de cría no monte”
As ganderías interesadas en participar no certame de gando poden inscribirse ata o 22 de setembro. Tamén está aberto o prazo para anotarse na carreira de andadura,ata o 19 de setembro.
Un gusto de rural, un rural degusto
Nas vésperas da feira, o 26 e 27 de setembro, locais hosteleiros de Muras – Bar Santi e Chiringuito de Muras – ofrecerán degustacións de carne de poldro de Pura Raza Galega a partir das 20.00 horas no marco do programa de promoción de produtos de razas autóctonas Un gusto de rural, un rural degusto.
Programa
Domingo, 28 de setembro
– 10.00 h. Apertura da feira
– 10.30 h. Calificación do gando
– 11.00 h. Exhibición de escultura de madeira con motoserra
– 11.15 h. Concurso morfolóxico Puraga
· 12.00 h. Degustación de hamburguesa “Gañidoira” de carne de poldro 100% Raza Autóctona
– 12.00 h. Presentación de carreiras de andadura
– 12.15 h. Carreiras andadura (-1,51)
– 15.15 h. Presentación de carreiras de andadura
– 15.30 h. Carreiras andadura (+1,51 e SUB 16)
Actividades infantís de balde:
Bautismo hípico (Pony Club), de 12.00 a 14.00 horas e de 16.00 a 18.00 horas
Hinchables e toro mecánico, de 11.30 a 14.30 horas.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
