Logrouse recuperar a totalidade do montante estafado
Burela, 19 de setembro, 2025. A Garda Civil imputa en calidade de investigados en Burela, a un veciño de Logroño de 20 anos de idade e a outro de San Cristobal da Lagoa (Santa Cruz de Tenerife) de 39, como supostos autores dun delito de estafa tecnolóxica e un delito de branqueo de capitais.
Os feitos tiveron lugar o pasado mes de maio, cando os presuntos autores fixéronse pasar por xestores dunha entidade bancaria e, co pretexto de liquidar varios movementos fraudulentos na conta corrente da súa potencial vítima, esta facilitoulles os contrasinais de acceso, tras o cal xestionaron un préstamo persoal por importe de 20.000
euros e unha vez ingresado na conta, realizaron tres cargos por un importe total de 29.000 euros.
Tras a denuncia da vítima, os investigadores solicitaron á entidade bancaria destinataria do diñeiro que, de maneira preventiva, bloquease a conta e paralizase as transferencias que se puidesen cometer unha vez ingresados os importes detallados.
No desenvolvemento da operación tívose coñecemento de que, tras recibir os abonos na conta bancaria, ordeáronse transferencias dirixidas a distintas contas correntes con sedes en Malta e Francia.
Froito da rápida actuación da Garda Civil logrouse anular as trasferencias efectuadas por mor do préstamo enganosamente concedido, por máis que ese diñeiro moveuse de contas ata en catro ocasiones coa finalidade de dificultar a súa recuperación, quedando finalmente o diñeiro bloqueado na conta de destino inicial.
Neste operativo policial contouse co apoio da unidade orgánica de policía xudicial da Rioja e o Equipo da Comandancia da Garda Civil de Santa Cruz de Tenerife.
As dilixencias policiais foron postas ao dispor xudicial.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
