A Mariña, 24 de setembro de 2025. A xestión turística sostible nos territorios será o eixe central do I Foro Turismo e Sostibilidade que terá lugar o vindeiro mércores, 1 de outubro, na Mariña Lucense. A Casa da Cultura do Valadouro acollerá este encontro no que participarán expertos de referencia internacional na xestión de territorios, destinos e empresas, que compartirán as súas experiencias e analizarán xunto cos participantes o alcance da sostibilidade no sector turístico e a contribución que este sector ten no eido económico, social e cultural.
A presidenta da Mancomunidade, Rocío López, explica que “o obxectivo deste foro é converterse nun punto de encontro nacional do debate sobre turismo e sostibilidade, un evento impulsado pola Mancomunidade de Concellos da Mariña Lucense co que queremos favorecer a reflexión sobre o papel do turismo na sociedade actual. Trátase dun evento participativo que nace coa vocación de acoller todos os puntos de vista dos axentes sociais implicados no sector, polo que está aberto non só aos técnicos e profesionais, senón tamén á cidadanía en xeral”.
A inscrición é totalmente gratuíta e debe realizarse a través do seguinte formulario ata o 29 de setembro:
https://docs.google.com/forms/d/1l9ho2-xkV6N-Hezp4EJPhH1d4K5tbkTI1j1bWZ9lno8/edit
A iniciativa enmárcase no Plan de Sostibilidade Turística na Mariña Lucense, cofinanciado pola Mancomunidade, a Axencia Turismo de Galicia e a Secretaría de Estado de Turismo, e que nos últimos anos vén avanzando na execución de diferentes proxectos que teñen como obxecto favorecer o desenvolvemento dun turismo máis integrador, respectuoso e de calidade no territorio.
PROGRAMA
9:00-9:15h: Recepción e acreditación de participantes
9:15-9:30h: Inauguración oficial
BLOQUE 1. É posible un turismo sostible?
9:30-10:05h:David Mora, director do Máster de Turismo Gastronómico do Basque Culinary Center.
BLOQUE 2. Perspectivas
10:15-10:50h: A perspectiva do territorio
Alfonso Bertrán, Arquitecto da Fundación RIA
11:00-11:35h: A perspectiva dos destinos turísticos
Nere Aritzoy. Mancomunidad de UrolaKosta (Gipuzkoa)
11:45-12:30h: Pausa café
12:30-13:05.A perspectiva das empresas
Patricia Dueñas. Experta en sostibilidadee economía circular. Circle Economye Grupo Iberostar
13:05-14:15h: Mesa redonda
13:05-13:20h:É posible un turismo sostible?
Introdución a cargo de Iñaki Gaztelumendi. Consultor estratéxico no sector turístico e asesor de ONU Turismo
13:20-14:15h: Turismo sostible
Modera: Iñaki Gaztelumendi
Interveñen:
-David Mora, director do Máster de Turismo Gastronómico del Basque Culinary Center
-Alfonso Bertrán, arquitecto da Fundación RIA
-Patricia Dueñas, experta en sostibilidade e economía circular
-Nere Aritzoy, Mancomunidad UrolaKosta
-Ana Ermida, alcaldesa de Barreiros e vicepresidenta da Mancomunidade de Concellos da Mariña
-José Manuel Villapol, representante na Mesa de calidade no SICTED da Mariña e xerente do hotel rural Finca Goleta-Foz
-Pepe Peinó, coordinador do programa Mariña Marabillosa
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
