O voceiro do PSdeG, Pablo Díaz, alerta de que unha concelleira do PP non asiste aos plenos desde xullo e que Rancaño move o calendario para evitar perder votacións
Abadín, 24 de setembro de 2025. O Grupo Municipal Socialista de Abadín denuncia que o alcalde, Xosé María López Rancaño, volveu incumprir a periodicidade acordada para a celebración dos plenos ordinarios e que manipula o calendario das sesións en función dos intereses do seu grupo.
O voceiro socialista, Pablo Díaz López, lembra que o rexedor xa fora advertido en anteriores ocasións deste incumprimento e que, lonxe de corrixilo, reincide de novo. “O pleno ordinario debía celebrarse o último venres de setembro, tal e como establece a normativa que fixa esta data en todos os meses impares. Ao coincidir con festivo local, debía trasladarse ao venres seguinte, pero o alcalde decidiu levalo ao mércores 1 de outubro, amparándose en supostos ‘compromisos ineludibles da Alcaldía previamente adquiridos’. É unha simple escusa para non cumprir cos acordos plenarios e volver manipular o calendario ao seu antollo”.
Para Díaz, esta manobra responde unicamente a motivos políticos. “Unha das concelleiras do PP non asiste aos plenos desde o 15 de xullo, data en que renunciou á dedicación exclusiva, e agora mesmo o goberno conta cos mesmos votos que a oposición. Por iso, o alcalde move os plenos segundo lle convén, para garantir que os seus seis concelleiros non falten e non perder votacións. É unha manipulación descarada das regras de funcionamento democrático”.
Os socialistas subliñan que “os plenos son o principal espazo de control ao goberno e de atención ás demandas da veciñanza. O alcalde está a utilizar o calendario das sesións como unha ferramenta partidista, incumprindo a lei para evitar o control da corporación”. Para Díaz, “estas prácticas evidencian un executivo débil, en horas baixas e máis preocupado por sobrevivir que por resolver os problemas reais de Abadín. Desde o PSdeG non imos permitir que se siga deteriorando a democracia municipal nin que se silencien os problemas da veciñanza”.
Desde o PSdeG-PSOE de Abadín teñen previsto levar ao pleno varias cuestións que seguen pendentes de resposta por parte do executivo. Preguntarán sobre o acceso ao proxecto da planta de produción de biometano, solicitado a pasada semana sen obter contestación; sobre a contratación do conserxe, cun proceso de consolidación aberto dende hai máis de dous anos sen resolver; e sobre o uso de maquinaria municipal para o desbroce de fincas privadas.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
