Burela, 27 de setembro de 2025. O Concello de Burela, xunto coa Asociación de Xubilados do Mar e Afíns A Moncloa e a Asociación Ledicia, promove unha nova viaxe cultural e gastronómica para dar a coñecer o Bonito de Burela e a Feira do Bonito, declarada de Interese Turístico Nacional.
A iniciativa naceu inicialmente co obxectivo de lograr o recoñecemento da Feira do Bonito como Festa de Interese Turístico Nacional e, unha vez acadada esta distinción, mantívose no tempo porque se consolidou como unha excelente ferramenta para promocionar o noso túnido a nivel estatal e para proxectar a imaxe de Burela máis alá das súas fronteiras.
O programa, que se vén celebrando dende hai anos e que xa levou o nome de Burela a lugares como Montmeló, Tarifa, Salamanca ou Losar de la Vera, chega nesta ocasión a Valladolid.
O acto central terá lugar hoxe, sábado 27 de setembro, na Cúpula do Milenio, onde se realizará unha presentación e degustación do Bonito de Burela. O evento contará coa presenza de representantes institucionais do Concello e da Deputación de Valladolid, da Asociación de Hostalería de Valladolid, así como da Asociación A Moncloa, da Asociación Ledicia e da alcaldesa de Burela.
Durante a xornada, coa colaboración da Asociación de Hostalería de Valladolid, elaboraranse diferentes pratos con Bonito de Burela como ingrediente principal. O peixe foi doado pola empresa ABSA S.A. e preparado e enviado polo Almacén do Peixe. Ademais, Conservas Faro de Burela achegará produto en conserva.
Sobre esta cita gastronómica, a alcaldesa destacou que permitirá “difundir non só a calidade do noso peixe, senón tamén a capacidade de Burela para proxectarse como referente cultural, turístico e gastronómico”.
Carmela López explica que “con accións coma esta, Burela reafírmase como unha vila que sabe poñer en valor os seus recursos, a súa xente e a súa identidade mariñeira, consolidando a Feira do Bonito como unha das grandes citas gastronómicas do norte de España”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
