Elena Candia presidiu unha reunión cos representantes lucenses no Congreso e no Senado na que anunciaron unha ofensiva nas distintas institucións para “evitar que o goberno castigue a Lugo sen poder albergar novos proxectos industriais nos próximos anos”
Lugo, 27 de setembro de 2025. O PP lucense denuncia que o PSOE e o Goberno de Sánchez “están secuestrando o futuro da provincia ao deixarnos fóra da nova planificación eléctrica estatal” e, polo tanto, anuncia unha ofensiva en distintas institucións para esixir ao Executivo central que Lugo non quede á marxe e, polo tanto, “corrixir un novo agravio á provincia de Lugo” e, máis concretamente, “ao futuro de moitos mozos e mozas”.
A presidenta provincial, Elena Candia, presidiu unha reunión con representantes no Congreso e no Senado para analizar o “novo castigo político” do Goberno central a Lugo ao deixar á provincia fóra da nova planificación eléctrica estatal ata 2030 e tomar as accións necesarias para “evitar que Lugo non poida albergar novos proxectos industriais nos próximos anos. É intolerable que unha decisión política para vetar a Altri supoña deixar a toda a provincia fóra do mapa industrial galego”.
Os populares cren que “é un erro por parte do PSOE e do secretario xeral do PSdeG, o lucense José Ramón Gómez Besteiro, facer política co futuro dos mozos e mozas. É un erro que Besteiro, erixido como portavoz do Ministerio de Transición Ecolóxica, poña a Sánchez por diante dos lucenses e que o PSOE se sume ao non a todo do BNG porque a nosa provincia non merece ese negacionismo”.
“As pancartas non evitarán que os galegos e lucenses saiban quen lles nega o futuro”, advirten. E engaden que “seguiremos traballando para defender todos os proxectos industriais que traian un futuro a Galicia e a Lugo”.
O deputado nacional e portavoz de Industria do Grupo Popular no Congreso, Francisco Conde, cre que Sánchez con esta decisión “secuestra o futuro da provincia e o Goberno terá que dar explicacións en todas as instancias da súa actuación discrecional en relación ao proxecto de Altri”. Nese sentido, avanzou que “pediremos explicacións polos criterios empregados polo Goberno de Sánchez para excluír da planificación eléctrica non só a Altri, senón a toda a provincia de Lugo. Fronte aos negacionistas seguiremos traballando por un futuro para Lugo de forma incansable”.
“Sánchez está demostrando toda a súa maldade con Lugo, coa axuda de Besteiro e Pontón. O PP que goberna en Galicia, e que o fará tamén en Madrid, traballará para que o país funcione” engade Conde.
Os senadores tamén teñen solicitado formalmente dende a Cámara Alta respostas do Goberno por escrito sobre as razóns para deixar á provincia de Lugo fóra dos reforzos enerxéticos e, polo tanto, do crecemento industrial para os próximos anos porque, “ao non contar cun só megawatt adicional, ningunha mediana ou gran industria poderá instalarse aquí ata 2030”, como advirte Barreiro.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
