Ribadeo, 29 de setembro, 2025. No comezo dunha nova tempada, o BNG de Ribadeo denuncia “as promesas incumpridas do PP sobre a construción do necesario e prometido novo campo de herba artificial”. Ademais, o BNG de Ribadeo pídelle ao PP “que deixen o sectarismo e valoren o proxecto presentado polo Bloque e aprobado nunha moción no pleno municipal para que a instalación se leve a cabo nos terreos anexos ao Pepe Barrera”.
O voceiro do BNG de Ribadeo, Pablo Vizoso indica que: “Estes días comeza unha nova tempada de fútbol e as pícaras e pícaros de Ribadeo seguen sen un campo de herba artificial para este deporte cada vez máis practicado. No noso programa levábamos un proxecto para construír o campo nos terreos anexos ao Pepe Barrera. Ademais, a finais do ano pasado presentámos unha moción no pleno, que foi aprobada, para que así se levase a cabo”.
“Un ano despois, o goberno de Daniel Vega foi incapaz de dar solucións a esta problema. As familias seguen reclamando respostas e desde o BNG de Ribadeo consideramos que a mellor opción segue sendo a que nós presentámos, por proximidade e flexibilidade. Pedímoslle ao goberno do PP que deixen o sectarismo e as promesas incumpridas e se poñan a traballar en dar solucións reais e áxiles. Que pensen en todas as familias de Ribadeo que se verían beneficiadas por este proxecto tan necesario; a elas se deben e para elas traballan. Xa non é tempo de promesas; é tempo de actuar”, conclúe.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
