Competido encontro ante as vilalbesas no que o Burela logra sobrepoñerse na segunda parte anotando os dous goles nos últimos 10 minutos
Burela, 30 de setembro, 2025. O Burela FS xogou esta tarde ás 20.00h no Pavillón Municipal de Deportes de Vilalba, os cuartos de final da XIX Copa Galicia Feminina ante o Grupo Forma-T Vilalba FS. Competido encontro ante un Vilalba loitador e que utilizou o xogo de 5 nos últimos minutos do encontro. Nunha primeira parte máis frouxa para as burelenses, lograron sobrepoñerse na segunda parte anotando os dous tantos nos últimos 10 minutos.
Primeiros minutos de xogo cos dous equipos atopándose, moito xogo de balón pero sen chegar a portería, a primeira ocasión será para o Vilalba no minuto 15, un pase escorado de Elvi que se vai moi lonxe da meta pola liña de fondo, e continúa presionando o equipo local con outra no 7, tamén de Elvi que logra despexar Ana Eliza. A primeira clara do Burela será no 7 cun roubo de Sydorenko que non atina nun cara a cara coa porteira. Case anota o primeiro Lara Balseiro no 8 tras unha recuperación nun mal pase de Sydorenko, a viveirense corre pola banda e dispara índose o balón pola liña de fondo. Mandaa por riba do traveseiro Lara no 9 nun remate dende a área. Proba no minuto 11 con porteira xogadora o Vilalba con Pasto coa camiseta rosa nunha xogada breve na que dispara case a córner. Comezan as ocasións para ambos equipos nos próximos minutos que non logran vencer a ambas porteiras, chega a máis clara do encontro, ata o momento, cun disparo de Silvia Rubal e remate de Sandra tras unha boa estratexia con Irene e Lara tras un saque de banda, a dous minutos do descanso, que atrapa Albita. Tras un tempo morto para o Burela no último minuto dispara fora Lara tras unha xogada de estratexia. Falta perigosa a 15 segundos que lanza Cris Blanco rozando o segundo pau e chega o descanso.
Primeiro lanzamento a porta na segunda parte de Lara no primeiro minuto, que se vai por cerca do pau. Busca o Burela o gol nests primeiros minutos, non deixando moitas opcions ao Vilalba pero non logrando materializar ningún disparo. Boísima recuperación e desmarque pola banda de Sydorenko no minuto 25 que non chega a finalizar coa suficiente forza e escápase polo fondo. Boa parada de Ana Eliza nunha contra do Vilalba e disparo de Elvi tras recuperación e pase de Marta Hermo. Roza o segundo pau Marta Hermo nunha ocasión clarísima no minuto 27 nunha falta de entendemento entre Cris Blanco e Ana Eliza que aprobeita a xogadora vilalbesa cun disparo picado. Potente disparo de Alvite no 31 que tamén se vai polo fondo e volve rozar o pau outro disparo de Paula Rodríguez no 32. Salvaa Ana Eliza co pé nun cara a cara con Antía Leal un minuto despois que aprobeita o rexeite lanzándoa por riba da portería, e volve facelo segundos despois tras un pase de Lara nuha recuperación no medio da pista. Vaise rozando o segundo pau, unha vez máis un disparo de Cris Blanco na seguinte xogada e despexa coas mans Albita un disparo de Lara nun cara a cara coa porteira segundos despois tras un bo pase longo de Ana Eliza. Moitas oportunidades e chega o 0-1, un disparo frontal de Lara que toca nunha xogadora do Vilalba tras un saque de banda. Roza o segundo pau Sydorenko no 37 nun disparo dende os 5m. No último minuto case logra o empate Mery que se atopa con Ana Eliza nun remate pero acaba anotando o segundo a capitana, Silvia Rubal, tras recuperala en propia pista e disparar a porta baleira en pleno xogo de 5 do Vilalba.
Ficha Técnica Grupo Forma-T Vilalba FS 0-2 Burela FS
Vilalba FS (0): Albita; Antía Leal (C), Marta Hermo, Pasto, Lara Balseiro -quinteto inicial-, Elvi, Alvite, Fanny, Saínza, Mery, Paula Rodríguez.
Burela FS (2): Ana Eliza (C); Cris Blanco, Silvia Rubal, Lara, Irene -quinteto inicial-, Laura Barranco, Sydorenko, Sandra.
Goles: 0-1, min. 34: Lara. 0-2, min. 40: Silvia Rubal.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
