Está prevista a comparecencia da alcaldesa Mariña Gueimunde para dar conta do vertido de purín ao río Landro ocorrido en xuño
Viveiro, 2 de outubro de 2025. O Concello de Viveiro celebrará hoxe ás sete e media da tarde o Pleno ordinario de outubro. Será no Salón de Sesións da Casa Consistorial. Na orde do día figuran, entre outros asuntos, a aprobación da acta da sesión do 10 de setembro e unha modificación do orzamento relativa ao anexo de subvencións nominativas do ano 2025.
Na sesión, darase conta das resolucións da Alcaldía e está prevista unha comparecencia da alcaldesa Mariña Gueimunde, solicitada polos grupos do PSOE e BNG, sobre o vertido de purín ao río Landro, ocorrido en Muras o pasado 6 de xuño.
Tamén serán sometidas a debate dúas mocións: unha do Grupo Municipal do PSOE para dar continuidade á Mostra de Teatro dentro do programa Superarte, e outra do Grupo Municipal do BNG relativa á execución progresiva do Plan de Mellora da Accesibilidade do Concello de Viveiro.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
