A Mariña, 8 de outubro de 2025. As oficinas de información turística dos concellos da Mariña locen xa a súa imaxe renovada. Logo dun proceso iniciado no ano 2024 co diagnóstico de necesidades e melloras, rematouse a execución da rotulación tanto interior como exterior das instalacións.
Trátase dun proxecto que ten como obxectivo ofrecer unha imaxe de marca homoxénea do territorio, facilitándolle ás persoas que se achegan a estes puntos unha identidade visual recoñecible e destacada, en liña co traballo de promoción realizado ao abeiro do Plan de Sostibilidade Turística desenvolvido desde a Mancomunidade.
A comunicación corporativa xoga un papel esencial para construír, manter e mellorar a reputación dun destino, así como para promover o seu posicionamento dunha maneira exitosa na mente das persoas que viaxan. Asemade, a implementación da imaxe turística nestes locais reforza o sentimento de pertenza da poboación, que pode gozar de espazos públicos cunha imaxe propia coa que identificarse.
Elementos corporativos
Cada oficina foi personalizada en función das súas características particulares, incorporando a imaxe de marca A Mariña xunto co nome de cada municipio. En cada punto instaláronse, en función das necesidades e condicionamentos concretos, bandeirolas exteriores, placas ou vinilos en portas ou cristaleiras exteriores, letras corpóreas ou vinilos en mostradores, e porta folletos co QR que enlaza á web da Mariña.
Para Rocío López, presidenta da Mancomunidade, “o traballo en rede e a comunicación fluída entre as Oficinas de Información Turística e a propia Mancomunidade foron elementos fundamentais para acadar un resultado satisfactorio”. Ademais quixo “agradecer expresamente a implicación dos responsables de turismo municipais e das propias oficinas, cuxa labor foi clave durante o proceso de execución deste proxecto”.
Esta actuación de mellora das oficinas de turismo enmárcase no Plan de Sostibilidade Turística A Mariña Lucense 2022-2024, concretamente no eixo 3 “cuxo obxectivo é a mellora da imaxe conxunta máis a transformación dixital do sector”, indicou Rocío López. Neste senso, ademais desta actuación, con anterioridade levouse a cabo a mellora da interrelación e xestión de datos e información turística municipais coa posta en marcha da ferramenta Infotourist Net e o subministro de tablet, máis a formación para os técnicos, informadores e traballadores do sector turístico privado en Novos retos e oportunidades en marketing dixital. O plan está cofinanciado pola Secretaría de Estado de Turismo, a Axencia de Turismo de Galicia e a propia Mancomunidade de Concellos de A Mariña Lucense.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
