O Bloque quere saber os detalles do pacto, que empresas participaron no concurso internacional e que criterios se seguiron para seleccionar a Altri
Santiago de Compostela, 10 de outubro, 2025. O viceportavoz e responsábel de Medio Ambiente, Luís Bará, anunciou que o BNG vai iniciar accións xudiciais diante do TSXG contra a negativa do Goberno do PP de facer públicos os acordos secretos entre a sociedade público-privada Impulsa e Altri, documentación que a formación nacionalista vén reclamando desde hai máis de ano e medio a través do artigo 9 do Regulamento do Parlamento.
“Temos indicios fundados de que hai unha relación de conivencia e de trato de favor entre a Xunta e Altri por medio dos negocios que se fixeron a través de Impulsa”, asegurou Bará, para quen a ocultación que o Executivo de Rueda fai dos acordos coa pasteira portuguesa é unha “declaración de culpabilidade”. “Se non houbese ningún problema, daríannos a información”, subliñou.
A demanda do BNG fundaméntase na ocultación do acordo secreto plasmado no memorando de entendemento asinado en outubro de 2021 entre Altri e a Sociedade Impulsa, actualmente en proceso de disolución e na que a Xunta ten o 48 % do capital e o 50 % dos dereitos de voto.
En concreto, segundo explicou Bará, o BNG reclama documentación sobre tres cuestións concretas. A primeira refírese á alianza Impulsa-Altri recollida nese memorando para desenvolver un proxecto industrial que, na súa versión inicial, recollía a produción en Galiza de 200.000 toneladas de fibras téxtiles pero que derivou “en algo sensiblemente diferente”, apuntou en alusión á macrocelulosa contaminante prevista en Palas de Rei.
A segunda cuestión sobre a que o BNG reclama información é sobre as empresas que participaron no concurso internacional que se recolle no memorando e “do que non se ten ningunha noticia” , así como sobre os criterios que seguiu Impulsa para seleccionar a Altri fronte a outras alternativas “que podían estar máis aliñadas co sector industrial galego”.
O memorando en cuestión recollía ademais a sinatura dun acordo definitivo avalado polo cumprimento dunha serie de condicións. O Executivo de Rueda tamén nega a información sobre ese pacto definitivo e sobre as condicións que “supostamente se verificaron entre outubro de 2021 e finais do 2022, cando Altri solicita xa a declaración como proxecto estratéxico industrial”, precisou o viceportavoz nacionalista, engadindo que “neste tempo entendemos que houbo feitos que poden ser importantes”.
Bará denunciou, máis unha vez, o “procedemento torticeiro” utilizado polo PP para cambiar a lexislación de política industrial, incluíndo na Lei de Áreas Empresariais de 2022 un cambio na tramitación da declaración dos proxectos industrias estratéxicos, “pasando por riba das competencias municipais”.
“Nese momento xa se sabía que había un informe do técnico municipal de Palas de Rei contrario á posibilidade de instalar alí a macrocelulosa, pola normativa urbanística deste concello”. Un mes despois do cambio legal, agregou, Altri presentou a súa solicitude de declaración de proxecto industrial estratéxico.
O deputado do BNG apuntou así mesmo ao modificación feita a finais do 2023, utilizando a Lei de Acompañamento dos Orzamentos, pola que a Xunta indemnizará con ata medio millón de euros aos promotores de proxectos estratéxicos no caso de non resolverse estes no prazo dun ano.
Alfombra vermella para unha indemnización
Pero ademais, advertiu Bará, os cambios feitos permiten que as empresas promotoras poidan reclamar responsabilidade patrimonial da Administración polos investimentos feitos en proxectos industriais estratéxicos non aprobados. “É bastante fácil de deducir que, sabendo que o proxecto da macrocelulosa podía non saír adiante, se blindou esa opción de recuperar o investimento”, advertiu tras lembrar que, segundo informacións publicadas, a pasteira portuguesa destinou xa até 25 millóns de euros ao seu proxecto en Galiza.
“O Goberno do PP puxo a alfombra vermella para poder Altri reclamar todo ese investimento”, sostivo o viceportavoz nacionalista, quen insistiu no dereito dos deputados e deputadas a recibir a información que solicitan e, sobre todo, no dereito que teñen os galegos e as galegas a coñecer todos os detalles sobre a tramitación da macrocelulosa contaminante, pendente aínda da concesión de Augas e da avaliación ambiental integrada.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
