Alfoz, 11 de outubro, 2025. Grupo Casa Barbeiro, como un dos grupos agropecuarios de referencia en Galicia, pon en marcha o seu último proxecto: Finca Casa Barbeiro, a queixería que sorprenderá os padais dos amantes do queixo artesanal.
Finca Casa Barbeiro culmina así un proxecto madurado durante anos, no que se coidaron tódolos detalles para ofrecer o mellor das súas gandeirías.
Dende o corazón do Grupo Casa Barbeiro, enraizado nun entorno privilexiado e cunha profunda tradición familiar, nace Finca Casa Barbeiro co propósito de revalorizar o produto local, creando elaboracións con identidade, orixe e unha calidade recoñecible, sempre baixo o amparo dun traballo ben feito.
No Grupo Casa Barbeiro, o respecto polos animais e polo medio é un piar fundamental en cada proxecto. As vacas leiteiras críanse nunha contorna natural, cun manexo libre de estrés e unha alimentación equilibrada baseada en forraxes de produción propia. As instalacións están deseñadas para maximizar a comodidade dos animais, permitindo condutas naturais que favorecen o seu benestar.
O equipo do Grupo Casa Barbeiro aplica prácticas gandeiras responsables que garanten a saúde, o benestar e a calidade de vida dos animais, certificadas baixo estándares recoñecidos de benestar animal. Este enfoque non só mellora a vida dos animais, senón que tamén se reflicte na excelencia e autenticidade dos queixos que producen.
A queixería espertou o interese de profesionais do sector agroalimentario como José Luis Martín Martín, que coa súa experiencia como xuíz e mestre afinador, está a colaborar para acadar os obxectivos do proxecto de Finca Casa Barbeiro.
José Luis leva toda a súa traxectoria dedicada á selección, maduración e posta en valor dos mellores queixos artesanais, tanto nacionais como internacionais, sendo un dos grandes referentes no mundo do queixo en España.
O seu criterio, coñecemento técnico e sensibilidade cara á calidade e a afinación do queixo convertéronlle nun referente indiscutible nos paneis de cata. O seu prestixio profesional reflíctese tanto no seu compromiso coa divulgación da cultura queixeira como no recoñecemento ao traballo de gandeiros e queixeiros.
Cando falamos da elaboración en Finca Casa Barbeiro, falamos de constancia, dun traballo diario feito a man, con dedicación e respecto polo produto. Cada queixo nace dun lote de vacas seleccionado e elabórase artesanalmente, seguindo un método coidadoso que honra as técnicas tradicionais e busca sempre a máxima calidade.
Cunha produción limitada, cada peza de queixo é o resultado dun proceso artesanal meticuloso, pensado para quen valora os sabores auténticos e coñece a orixe do que consome.
Unha vez elaborado, o queixo entra nunha cámara de maduración, onde permanece en condicións controladas de temperatura e humidade. Ao longo deste proceso, que pode durar semanas ou meses segundo o tipo de queixo, desenvólvese a súa textura, aroma e sabor característicos. O queixo vólvese regularmente para asegurar unha maduración uniforme e, nalgúns casos, cepíllase ou conséntese con salmoira, aceite ou outros ingredientes que lle achegan personalidade á codia. É nesta etapa onde o queixo cobra vida e adquire a súa identidade definitiva.
Os queixos de Finca Casa Barbeiro destacarán, sen dúbida, pola súa textura cremosa, sabor equilibrado e codia natural, con notas lácteas e un fondo vexetal que lembra os pastos frescos da Mariña Lucense.
Cunha produción limitada, cada queixo é unha xoia artesanal, un produto que emocionará aos nosos avós, evocándolles á súa infancia, un queixo pensado para quen aprecia os sabores de sempre e a orixe do que come.
A visión de futuro do Grupo Casa Barbeiro é un proxecto que representa o primeiro paso cara a un modelo agropecuario máis ético, sostible e consciente, onde o benestar animal, a tecnoloxía e a calidade gastronómica van da man.
Juanjo Fraga, responsable gandeiro do Grupo Casa Barbeiro, está convencido de que o benestar dos seus animais non é só unha decisión ética, senón unha filosofía de traballo que garante un queixo con alma. O obxectivo é facer queixos cos medios técnicos actuais, respectando a súa orixe.
Sen dúbida, é un proxecto que busca dinamizar a contorna rural galego, xerando emprego de calidade, colaboracións con produtores locais, accións de formación continua e, no futuro, visitas guiadas.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
