A afección recibeu ás xogadoras á súa chegada ao pavillón con bengalas e bombos, alentando a un equipo que compiteu ata o último segundo
Burela, 11 de outubro, 2025. Tras unha retaíla de encontros e viaxes as Pícaras volveron a Vista Alegre nesta xornada 6, ás 18.45ha ante o MRB Móstoles FSF, un equipo que carrexa unha dinámica moi boa de partidos neste inicio de tempada, pero as burelenses saíron á pista con todo o aprendido nestes duros encontros de inicio e sacaron a garra, cunha primeira parte na que dominaron o partido chegando ao descanso con dous goles de diferenza e cunha segunda parte para o Móstoles que logrou remontar, poñéndose por diante pero cun último tanto das burelenses nos últimos minutos.
Primeira ocasion do encontro para Lara que dispara raso xunto ao pau, pero desvía Pitu e boa intervención de Ana Eliza no minuto 4 que salva o primeiro das visitantes. No 5 Sydorenko ten a ocasión máis clara ata o momento nun cara a cara coa porteira que consegue frear á ucraína. Lanzamento demasiado desviado de Irene no minuto 9 tras unha recuperación de Lara e un saque de banda en cancha mostoleña. Falta perigosa para o conxunto laranxa e anota Laura Barranco o primeiro, aproveitando un rexeite dun disparo de Lara tras o saque de falta de Cris, pásalla á focense que se atopa a Pitu, pero Laura recóllea e cóalla entre as pernas a Piti. Pau de Benete na seguinte xogada e lánzaa Gabi atopándose coa porteira cun disparo escorado. E chega o segundo das burelenses, un golazo de Lara tras un saque de banda de Silvia Rubal e delicatessen da focense que marca cun remate de espuela fabuloso. Continúan as ocasións cun Burela moi ofensivo pero mantense o resultado ata o descanso.
Empata o Móstoles no minuto 26 nunha acción rápida que finaliza Claudia, tocando en Ana Eliza pero non logrando desviala da potería. Gran acción individual de Sandra no fondo da pista que executa un pase da morte ao que Silvia non chega a rematar. Adiántanse as mostoleñas no minuto 31 cun golazo pola escuadra de Benete tras unha recuperación de Irene García. Belén Feal opta polo xogo de 5 e sae Irene coa elástica negra buscando o empate. Láanzaa Cris Blanco por encima do traveseiro a sete minutos do final nunha boa combinación coa porteira-xogadora e dispara ao pau Lara noutra, uns segundos despois. Continúa presionando Burela, téntao Silvia Rubal rozando o pau e sáalvaa Cris Blanco despexando co pé nun contraataque das visitantes. Chega por fin o empate cun gol de Sydorenko a portería baleira tras unha recuperación de Cris Blanco que lla pasa a Silvia e esta cédella á ucraína marcando a pracer. Falta peligrosísima no 37 que lanza a capitá pero atópase con Pitu que a despexa e no contraataque salva Ana Eliza cun paradón incrible desviando un remate de Piti. Volve saír de 5 o Burela a un minuto do final buscando adiantarse no marcador, de novo con Irene, pero pérdena e desvíaa Cris Blanco rozando os paus da portería laranxa a 20 segundos do final. Sae de 5 o Móstoles para estes últimos 20 segundos con Irene García e tira ao pau Piti a 8 décimas do final, sendo a última ocasión do encontro.
Ficha Técnica Burela FS 3-3 MRB Móstoles FSF
Burela FS (3): Ana Eliza; Cris Blanco, Silvia Rubal (C), Sandra, Lara -quinteto inicial-, Irene, Sydorenko, Gabi, Laura Barranco.
MRB Móstoles FSF (3): Pitu; Irene García, Benete (C), Clau Gómez, Piti –quinteto inicial-, Nere Moldes, Claudia, Brandolini, Montufo, Miriam Serrano.
Goles: 1-0, min. 9: Laura Barranco. 2-0, min. 13: Lara. 2-1, min. 26: Claudia. 2-2, min. 27: Piti. 2-3, min. 31: Benete. 3-3, min. 35: Sydorenko.
Árbitros: Iria de Luis, Adrián Buján, Andrea de Luis.
Incidencias: Viron tarxeta amarela, por parte das locais, Laura Barranco e Silvia Rubal. Por parte do equipo visitante, Claudia e Benete.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
