Ribadeo, 11 de outubro, 2025. As actividades no IES Ribadeo Dionisio Gamallo como Escola Mentora das Escolas Embaixadoras do Parlamento Europeo comezaron este mércores 8 de outubro cunha entrega de diplomas do curso 2024-2025, e unha charla de Rosita Bugiolacchio, da Asociación INGALICIA, que introduciu ao alumnado nas posibilidades dos proxectos ERASMUS+, dos Corpos Europeos de Solidariedade, e das actividades de Voluntariado de axuda humanitaria.
O centro inicia así o seu labor divulgador e formador en valores desde unha perspectiva ampla e plural coa que pretende alentar ao alumnado nos programas e proxectos que lles permitan coñecer, compartir e reflexionar sobre os cambios sociais, ecolóxicos, económicos e políticos que nos rodean.
O traballo individual e en grupo do alumnado, a través de diversas iniciativas, pretende sensibilizar e ofrecer unha perspectiva vital que complete e desenvolva a madurez e a conciencia crítica, e fomente á vez a participación cidadá. Tomar conciencia do que somos, do que aprendemos, do que podemos compartir e do futuro que temos en común, está na base dos principios educativos do IES Ribadeo Dionisio Gamallo.
A este fin contribúe o traballo que, tanto a Dirección do centro como o profesorado, leva a cabo desde fai xa varios cursos como Escola Embaixadora do Parlamento Europeo (127 en toda España, 7 en Galicia) e na que nos últimos cursos figuramos como Escola Mentora (64 en toda España, 5 en Galicia). Estas actividades vense complementadas co traballo con materiais didácticos proporcionados polo Parlamento Europeo, con diversos puntos de información (INFO-POINT) sobre as noticias de ámbito europeo, coa celebración do Día de Europa…., en definitiva as actividades que propoñemos pretenden fomentar o coñecemento de Europa e da democracia parlamentaria entre a xente nova e incentivar a reflexión e a conciencia social para conseguir unha comunidade tolerante, participativa e crítica.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
