Celebrarase no Hotel Thalasso Cantábrico Las Sirenas desde as dez da mañá e nel se analizarán as oportunidades que poden xurdir de sectores claves da Mariña
Viveiro, 11 de outubro de 2025. O Concello de Viveiro celebrará o sábado 25 de outubro o terceiro Foro Económico «Unha mirada ao futuro de Viveiro e A Mariña», un espazo de diálogo que reunirá a empresas, administracións públicas, entidades asociativas e representantes do ámbito universitario co obxectivo de analizar o presente e o futuro económico da comarca.
O encontro terá lugar no Hotel Thalasso Cantábrico Las Sirenas e o obxectivo é poñer en valor as oportunidades de alto rendemento que poden xurdir de sectores clave como o forestal, o turismo ou a gastronomía, fomentando un desenvolvemento produtivo, sostible e con valor engadido para o territorio.
Mariña Gueimunde, alcaldesa de Viveiro, subliña que «este foro é unha mostra do noso compromiso coa cooperación e coa creación de sinerxías entre todos os axentes que contribúen ao progreso da nosa comarca».
O programa arrancará ás 10.00 horas coa benvida institucional. Ás 10.15 horas, terá lugar a intervención titulada «A oportunidade da Galicia industrial, verde e sustentable».
A partir das 10.30 horas, desenvolverase unha mesa de debate centrada no sector forestal, moderada por Antonio Rigueiro, na que participarán Sara Montero López (Maderas Edelmiro) e José Manuel Tubío (Ence), ademais do propio Rigueiro en representación da Universidade e da Asociación Forestal de Galicia. O panel analizará as fortalezas e debilidades do sector e presentará propostas de futuro para un modelo forestal produtivo, sostible e rendible.
Ás 12.00 horas, celebrarase a mesa redonda «O futuro de Viveiro», moderada por Hugo Criado e coa participación de representantes de Corpus Services (Pedro Manuel López Pernas), Electromecánicos Viveiro (José Daniel Costa), Transportes Valín e Embutidos Montepicato (Eduardo Valín), así como da directora do IGAPE.
O foro pecharase ás 13.00 horas coa intervención da alcaldesa Mariña Gueimunde, que porá fin á xornada antes dun aperitivo de clausura.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
