Xorxe Gómez Rico reivindica que a localidade manterá a parada de autobús grazas ao traballo do BNG
A Pontenova, sábado 11 de outubro 2025. O Bloque Nacionalista Galego vén de conseguir un importante avance na nova Lei de Mobilidade Sustentábel, ao lograr que se manteñan as paradas de autobús que o Goberno do Estado pretendía eliminar no novo mapa concesional. Xorxe Gómez puxo en valor o traballo feito polo BNG nas Cortes do Estado para conseguir que A Pontenova manteña a parada de autobús.
Grazas á negociación do BNG no Congreso, garantirase que as paradas sigan operativas en todo o país, especialmente nas zonas rurais e localidades sen alternativas de transporte público, como é o caso de A Pontenova
Servizo asegurado
Deste modo, segundo explica Gómez Rico haberá dúas opcións que aseguran o servizo: ou ben, a Xunta de Galiza asume as paradas a custo cero, xa que o Estado compensará os custos adicionais; ou ben, se a Xunta non quixera facelo, o servizo seguirá sendo prestado polo Estado, que manterá esa conexión directamente.
Xa no seu día, hai agora un ano o BNG advertira no pleno do concello da Pontenova do perxuizo que a supresión da parada ía supoñer aos veciños e veciñas e instara ao concello a facer as xestións oportunas. Así mesmo, o 18 de outubro de 2024 a senadora nacionalista Carme da Silva presentara unha iniciativa ao respecto na Cámara Alta solicitando ao Ministerio de Transportes a reconsiderar o plan de supresión de paradas polo perxuizo que ía causar en moitas vilas do país coma no caso da Pontenova.
“Co BNG, A Pontenova móvese e manterá a parada de autobús que o Goberno do Estado previa suprimir”
“O BNG resolve un problema que estaba suscitado. Un problema importante para a mobilidade e o transporte público na Galiza” suliña o edil nacionalista. “Conseguimos garantir que os nosos veciños e veciñas non perdan un servizo básico que moitas veces é a única forma de desprazamento para persoas maiores ou estudantes” afirmou tamén o responsable local Xorxe Macía.
O deputado do BNG no Congreso, Néstor Rego, salientou tamén que esta modificación é “unha conquista que evita que zonas enteiras da Galiza queden incomunicadas”. “Evítase que zonas enteiras da Galiza queden incomunicadas. Conseguimos que se manteñan as 22 paradas nos concellos galegos e que, se a Xunta as asume, non lle supoña gasto ningún. Mesmo lle facilitamos o traballo ao PP no Goberno galego”, engade o deputado nacionalista, quen destaca que máis de 130.000 galegos e galegas poderán seguir empregando este transporte grazas ao BNG.
Compromiso do BNG co servizo público e o equilibrio territorial
Desde o BNG da comarca da Mariña valoran positivamente este resultado como unha “mostra do compromiso do Bloque coa defensa do servizo público e co equilibrio territorial da Galiza” alí onde ten representación.
“Cada parada que se mantén é unha garantía de igualdade de dereitos e oportunidades para quen vive no rural. O BNG demostra máis unha vez que é útil para os galegos e as galegas e que defende os intereses da Galiza alí onde se decide” conclúe o portavoz comarcal do BNG Antonio Veiga.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
