A actuación supón un investimento superior aos 155.000 euros financiados a través da liña de subvencións para a mellora de parques empresariais da Xunta de Galicia
Cervo, 16 de outubro do 2025. O Concello de Cervo está a executar as obras de mellora e acondicionamento dos accesos ao Polígono Industrial de Cuíña, no núcleo de San Cibrao, cun investimento total que supera os 155.000 euros -157.687,67 euros concretamente-, financiados a través da liña de subvencións para a mellora de parques empresariais da Xunta de Galicia.
A actuación abrangue unha superficie aproximada de 2.620 m² e céntrase no acondicionamento e mellora da zona de acceso e tránsito peonil do polígono.
Os traballos consisten, así pois, na execución de novas beirarrúas e pavimento para tráfico peonil, canalizacións soterradas para futuros servizos de alumeado público, así como na execución dun tramo de saneamento de augas residuais. Tamén se inclúe a demolición de pavimentos deteriorados, a colocación de rigolas e bordillos de formigón, ou o asfaltado das zonas anexas ás novas beirarrúa; todo elo na zona de principal acceso ao parque empresarial, tanto na marxe dereita como esquerda.
En cifras, os traballos contemplan 762,09 m² de pavimento adoquinado para peóns e 1.856 m² de zona aglomerada para tráfico rodado
A alcaldesa, Dolores García Caramés, achegouse ata o Polígono para supervisar as obras cuxo obxectivo principal é o mellorar a accesibilidade e humanizar os espazos públicos, garantindo un entorno máis seguro e funcional para peóns e vehículos. Ademais, permitirán incrementar a superficie destinada ao uso peonil sen reducir o ancho actual da calzada, creando unha escena urbana máis ordenada”.
Estas melloras –engadiu a rexedora- “son fundamentais para reforzar a mobilidade peonil e a imaxe do noso polígono industrial, ofrecendo un acceso máis cómodo e seguro tanto para as persoas traballadoras como para o tránsito diario”.
Este proxecto forma parte da aposta do Concello de Cervo coa modernización e dinamización do parque empresarial, co obxectivo de seguir impulsando o desenvolvemento económico local e mellorar os servizos ás empresas instaladas.
É evidente pois o compromiso do Concello de Cervo co Polígono Industrial de Cuíña, no que segue a investir para mellorar accesos, mobilidade e servizos. Mentres tanto, a administración local continúa á espera de que a Deputación Provincial de Lugo reactive a execución do enlace directo coa N-642, unha infraestrutura esencial para o desenvolvemento económico do municipio e que permanece paralizada desde o ano 2007. O Concello agarda que esta actuación poida retomarse canto antes para completar a conexión viaria e garantir un acceso seguro e eficiente ao parque empresarial.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
