Burela, 30 de outubro, 2025. A Fundación Expomar presentou esta mañá no Hotel Nordés de Burela o proxecto “Sostibilidade da actividade pesqueira e consumo responsable. Congreso da infancia e da adolescencia”, que está financiado no marco do Fondo Europeo Marítimo, de Pesca e de Acuicultura 2021-2027 e do GALP A Mariña-Ortegal.
A este acto, no que interveu a presidenta da Fundación Expomar e alcaldesa de Burela, Carmela López, o concelleiro de Mar de Burela, Ramiro Fernández, e o xerente da Fundación Expomar, José M. González ‘Brais’; asisitiron representantes das entidades que forman o Padroado da Fundación Expomar, do Concello de Burela, do Galp A Mariña-Ortegal e dos diferentes centros de ensino e prestadores de servizos sociais que están involucrados no proxecto.
A presidenta da Fundación Expomar e alcaldesa de Burela, Carmela López, puxo en valor este tipo de iniciativas que promove Expomar cara ao desenvolvemento social das vilas e pobos da Mariña, abrindo o sector pesqueiro a outros ámbitos, como o patrimonio cultural e gastronómico, e a diferentes públicos, como neste caso a mocidade.
Pola súa banda, o concelleiro de Mar de Burela, Ramiro Fernández, fixo un repaso das principais actividades que se desenvolverán ao longo dos próximos meses dentro deste proxecto: investigación sobre hábitos de consumo de peixe, certame literario sobre o mundo do mar, elaboración dun receitario de sabores mariñeiros tradicionais, limpeza de praias e exposición de crebas mariñas e proposta gastronómica dun “petisco de peixe”, que se está a elaborar na Escola de Hostalería de Foz.
“Xeración Peixe” abrangue así unha serie de diversas actividades que afectan a diferentes sectores de actividade e a públicos de distintas xeracións: centros de ensino e centros de inclusión.
Todos os traballos realizados durante este proxecto, que comezaron xa no mes de outubro nos centros de ensino de Burela, culminarán nun Congreso da infancia e a adolescencia, que se celebrará no primeiro semestre de 2026 e no que se porá en valor o potencial da pesca o dos seus produtos na contorna da Mariña, non só polo que implica a nivel de alimentación, senón polo que supón no ámbito do desenvolvemento social e económico.
Finalmente, o xerente da Fundación Expomar, José M. González ‘Brais’, destacou algúns dos obxectivos que se perseguen con este proxecto, como poñer en valor os recursos pesqueiros da contorna e promover o consumo consciente e local.
De feito, a través da celebración do “Día do Peixe”, que se celebrará nos primeiros meses de 2026, incrementarase o consumo de peixe nos centros de ensino públicos, en centros de inclusión e de maiores, proporcionando a Fundación Expomar produto pesqueiro aos servizos de cociña dos centros para que faigan diferentes elaboracións para servir ás persoas usuarias; unha acción que terá un impacto en máis de 1.000 persoas da contorna.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
