Foz, 6 de novembro de 2025. Este sábado, día 8 de novembro, na Sala Bahía dous candidatos serán os protagonistas da elección da figura da raíña ou rei do Entroido 2026 de Foz.
A concelleira de Cultura, Inés López Couto, anuncia que “os candidatos que defenderán os motivos polos que queren representar ao pobo de Foz nunha das súas festas máis queridas serán Sonia Cancio e Derek Pérez. O día estará repleto de actividade na carpa da Sala Bahía. Pola mañá, ás 12.00 horas, haberá unha actividade infantil de maxia, co mago Jorge Lorenzo. Logo comezará a música co Dúo Venus, para que ás 14.00 horas os postulantes defendan a súa candidatura e os motivos polos cales queren ser raíña ou rei do Entroido. A continuación seguirá a música e a partir das 16.00 horas abriranse as votacións ata ás 17.00 horas. A sesión de tarde correrá a cargo de Eventec. O nome do candidato que abrirá o desfile de Foz o próximo 14 de febreiro desvelarase ás 18.00 horas. Para aqueles que
queiran pasar unha xornada de guateque entre entroideiros, haberá tamén a posibilidade de comer na propia Sala Bahía con servizo de comidas (polo, costela e chourizo ao allo, xamón cocido, etcétera). O prezo da entrada será de 3 euros para os maiores de 14 anos”.
Inés López Couto engade: “agardamos que a xente se anime a vir, apoiar ao seu candidato favorito e desfrutar dunha sesión vermú e tardeo entre amigos. Prégamos asistencia con disfrace. Neste caso a recomendación é unha temática de guateque, pero as opcións son as que cada un prefira”.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
