Viveiro, 6 de novembro, 2025. A proposta presentada polo Partido Socialista de Viveiro no Pleno celebrado onte deu os seus froitos, e finalmente o equipo de goberno do Partido Popular retirou a modificación da ordenanza fiscal das terrazas de hostalería.
“Desde o noso grupo municipal celebramos esta decisión, que consideramos un paso na boa dirección, xa que a proposta inicial era incongruente e pouco xustificada. O Concello xa dispón dun padrón anual que permite controlar a ocupación das terrazas e aplicar as correspondentes taxas, polo que a creación dun novo censo non achegaba melloras reais, senón máis burocracia e carga administrativa para os hostaleiros e para os servizos técnicos municipais.
A proposta tamén incluía cambios como o novo período impositivo anual e a obriga de solicitar prórrogas en decembro, o que podería xerar confusión e dificultar a organización dos establecementos. Ademais, o sistema de autoliquidación inmediata da taxa obrigaba a pagar por adiantado, eliminando o fraccionamento do pagamento que ata agora facilitaba o cumprimento das obrigas fiscais a moitos negocios locais.
De terse aprobado, esta modificación tería suposto que os hostaleiros rematasen de pagar o exercicio 2025 e, case de inmediato, aboasen íntegramente o de 2026, “unha medida que consideramos inxusta e excesiva, especialmente nun sector que continúa sufrindo as consecuencias económicas dos últimos anos”.
Cómpre lembrar tamén que tan só se celebrou unha comisión informativa de pleno, pero non se convocou unha comisión de portavoces para analizar e avaliar con máis detalle as modificacións propostas, lembran os socialistas.
Durante o debate plenario, “quedou patente que o Partido Popular, como equipo de goberno, quixo actuar en solitario, xa que non contou tampouco co apoio de Por Viveiro, formación que apoiara a moción de censura do pasado mes de marzo. De feito, tanto Por Viveiro como o BNG sumáronse á proposta socialista para pedir a retirada do punto, o que evidencia a falta de consenso e coordinación dentro do propio goberno local”.
“Resultou especialmente sorprendente comprobar que nin o propio concelleiro de Hostalería e Comercio era coñecedor destas modificacións, a pesar de formar parte do equipo de goberno. Este feito deixou abraiada a toda a corporación e demostra unha falla total de comunicación interna no executivo popular”.
Desde o Partido Socialista, “queremos lembrar que cando formabamos parte do goberno municipal sempre se traballou da man coa hostalería e o comercio local. Proba diso son as axudas concedidas nos anos 2020 e 2021 por mor da pandemia, así como a exención do pago da taxa de terrazas durante tres anos consecutivos e a implantación do pago fraccionado en tres prazos, medidas que demostraron a nosa vontade de apoiar ao sector en momentos difíciles”.
“En contraste, o Partido Popular quedou onte en evidencia como equipo de goberno, ao non contar co apoio de ningún grupo da oposición nin sequera dos seus socios. A retirada da proposta foi, polo tanto, unha rectificación necesaria ante unha iniciativa mal formulada e sen consenso”.
“A oposición coincidiu en sinalar que o verdadeiro problema segue a ser o control e a vixilancia das terrazas, cuestión que non se resolvería coa creación dun novo censo. Por iso, a retirada da proposta permite agora abrir un proceso de diálogo real co sector da hostalería, co obxectivo de mellorar a ordenanza sen prexudicar aos profesionais que xa cumpren cada ano co proceso de declaración e pagamento das súas terrazas”.
En definitiva, “desde o Partido Socialista reiteramos a nosa disposición a colaborar na procura de solucións realistas e consensuadas, que melloren a xestión municipal sen aumentar a carga económica nin burocrática para os negocios locais”.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
