Critican que o Concello dependa por completo de SOGAMA, malia os incrementos de custes e sancións ambientais
Xove, 6 de novembro de 2025. O Grupo Municipal Socialista de Xove rexeitou no Pleno extraordinario celebrado o mércores a proposta do goberno local do PP para incrementar de media nun 84% a taxa de recollida e tratamento do lixo, unha medida que consideran “inxusta, desproporcionada e consecuencia directa da falta de xestión de Demetrio Salgueiro e do seu equipo”.
Segundo explican, o Concello xustifica o incremento pola adaptación á normativa europea sobre residuos, mais “nin o PP de Xove nin a Xunta fixeron os deberes”. “Estamos de acordo co espírito da lei, que busca aplicar o principio de que quen contamina paga, pero o que non pode ser é que a inacción do PP se traduza nun novo golpe aos petos da veciñanza”, sinalan.
O PSdeG advirte de que a medida supón un forte impacto económico nas familias e nos pequenos negocios. As vivendas urbanas pasarán de pagar 48 a 88 euros anuais (+83%), mentres que as rurais subirán de 36 a 60 euros (+68%). No sector da hostalaría, os bares e restaurantes en zona rural serán os máis prexudicados, con incrementos que superan o 300%. Ademais, a suba tamén afectará a outros establecementos e empresas locais, que verán encarecido o custo dos servizos sen melloras aparentes na xestión do lixo.
Os socialistas lembran que SOGAMA incrementou os seus custes nun 60% nos últimos dous anos, ao tempo que continúa incinerando residuos en lugar de reciclalos, acumulando sancións ambientais que acaban repercutindo nos concellos. “A mala xestión da Xunta e de SOGAMA, sumada á pasividade do alcalde, fan que agora sexan os veciños os que paguen a factura”, denuncian.
Sen políticas de redución nin reciclaxe
Desde o PSdeG acusan ao goberno local de “limitarse a colocar contedores de cores mentres presume de reciclaxe”, sen desenvolver ningún programa de redución de lixo, compostaxe nin campañas informativas sobre sustentabilidade ou cambio climático. “Colocar catro contedores non é facer reciclaxe, é postureo”, critican.
Ademais, advirten de que a zona rural de Xove segue sen medidas reais de compostaxe nin alternativas para a separación de residuos, o que amosa a falta de planificación e compromiso do executivo do PP.
Falta de control e improvisación
A falta de planificación do goberno do PP volveuse poñer de manifesto neste pleno extraordinario, no que tamén se trataron asuntos como a modificación de créditos ou a adecuación de postos de traballo.
“Cada dous meses o Concello ten que mover partidas dun lado a outro porque non existe unha folla de ruta nin unha previsión seria dos gastos”, critican. “É o reflexo dun goberno esgotado, sen proxecto e que só xestiona a golpe de improvisación”.
Ademais, denuncian que o executivo de Demetrio Salgueiro acumula cinco dedicacións políticas para un concello de apenas 3.300 habitantes “sen que se vexan resultados nin melloras na vida da veciñanza”.
Compromiso socialista
“Desde o PSdeG-PSOE de Xove imos seguir defendendo os intereses da veciñanza sen afogala con impostos como está a facer o PP, porque esta suba de lixo é a consecuencia dun modelo de goberno baseado na deixadez, a falta de ideas e o abandono das políticas ambientais”, conclúen.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
