A Mariña, 6 de novembro de 2025. A Mariña, 6 de novembro de 2025. No día de hoxe, organizado pola Mancomunidade de Concellos da Mariña Lucense, tivo lugar na fraga de Santo Estevo do Ermo (Barreiros) o acto de entrega dos ingresos obtidos a través das reservas do programa de ecoturismo Plans con Corazón deste 2025 á Fundación Eira da Xoana.
Este programa composto por 16 rutas e visitas guiadas polos 16 concellos da Mariña promovido pola Mancomunidade co apoio da Xunta de Galicia e da Deputación de Lugo, e coordinado pola empresa de ecoturismo Volta Montana, veu supoñer un ano máis a valorización do patrimonio cultural e natural do territorio contribuindo a desestacionalizar o turismo durante os meses de setembro e outubro.
Plans con Corazón, que este ano chegou á súa sexta edición, ofreceu unha ampla variedade de propostas de ecoturismo ás 249 persoas participantes no programa, a través de percorridos guiados por Guías Oficiais de Turismo expertos coñecedores do patrimonio local e de especialistas en ornitoloxía e xeoloxía. Na maioría das actividades participaron ademais anfitrións locais, que amosaron o seu amor polo territorio e as súas iniciativas para a conservación dos produtos e recursos autóctonos.
A totalidade dos ingresos recadados nesta edición derivados das reservas irán destinados a unha iniciativa sostible, neste caso á contribución da recuperación ambiental, a través da repoboación con especies autóctonas, dunha parte da fraga de Santo Estevo do Ermo, situada en Barreiros. A recadación foi de 1.229 euros.
Rocío López, presidenta da Mancomunidade de Concellos da Mariña Lucense, explicou que “estes fondos axudarán á Fundación Eira da Xoana, no contexto do proxecto de repoboación con especies autóctonas que ten en marcha nun terreo da súa propiedade ao pé da fraga, actualmente plantado con eucaliptos”.
E subliñou que “esta doazón pretende ademais fomentar valores como a sustentabilidade, a recuperación patrimonial e a implicación da comunidade local no coidado do territorio”.
Durante o acto, ao que asistiron Ana Ermida, alcaldesa de Barreiros, Rocío López, presidenta da Mancomunidade, Carlos López, deputado de Medio Ambiente, Carmen Pita, directora de Promoción de Turismo de Galicia, representantes dos Concellos, Cristina Collazo da empresa Volta Montana, ademais dalgúns dos guías participantes no programa, realizouse a entrega da acreditación da doazón a Pepe Salvadores, presidente da Fundación Eira da Xoana, que acudiu acompañado de representantes de Adega, Mariña Patrimonio e da Asociación Cultural Irmandade de Santo Estevo, colaboradoras no seu proxecto neste espazo.
Seguidamente os asistentes tiveron a oportunidade de visitar o terreo que se pretende repoboar e coñecer de primeira man os valores ambientais da fraga, así como os resultados dos estudos arqueolóxicos levados a cabo na mesma parcela onde a documentación histórica sitúa a antiga igrexa e cemiterio de Santo Estevo e onde tamén se atopou un cuncheiro.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
