Nota de prensa:
UN BURELA CON XUVENTUDE VENCE O RIBEIRA (2-4) E CLASIFÍCASE PARA AS SEMIFINAIS DA COPA GALICIA
O Burela FS logrou o pase ás semifinais da XX Copa Galicia tras a vitoria de onte en Ribeira de Piquín (2-4). Suso Rey reformou o cadro habitual cunha dose extra de xuventude para impoñerse aos de Primeira B, con Brais baixo os paus e outorgando minutos aos novísimos Paleta e Manu, ademais do xuvenil Antón.
O electrónico viuse sometido a un ir e vir de goles que recibiu o descanso con empate 2-2. A vantaxe materializada por Esteller no minuto 7 foi neutralizada polo ribeirego Méndez no 10. Os laranxas volveron poñerse por diante cun lanzamento de Víctor Cachón (15), pero reapareceron os locais nas zapatillas de Villa (17) para igualar de novo.
Na segunda parte, os mariñáns non puideron sentenciar ata os minutos finais, con tantos de Purao (38) e Adri Gaona (39), e frearon a avalancha do Ribeira con porteiro-xogador.
O Burela FS disputará as semifinais da Copa Galicia en xaneiro co Azkar Lugo, que venceu ao Pinturas Brulak por un axustado 4-5, Hotel Torques FS, que se impuxo ao Parrulo FS (2-0), e Xacobeo 2010 Autos Lobelle, que derrotou ao Carballiño FS (2-3).
Copa do Rei. Precisamente co Hotel Torques FS, de Mera, tamén se atoparán os laranxas mañá, na primeira eliminatoria da Copa do Rei; será ás 17.00 horas, no pavillón de Canide (Oleiros). Suso Rey terá á súa disposición todos os efectivos burelistas.
Ficha técnica
Ribeira FS: Álvarez, Villa, Díaz, Francisco Álvarez e Corredoira, no cinco inicial; tamé xogaron Fernández, Méndez, Pablo e Carlos.
Burela FS: Brais, Purao, Víctor Cachón, Juanma e Adri Gaona; tamén xogaron André, Paleta, Manu, Esteller e Antón (xuvenil).
Goles: 0-1, minuto 7, Esteller; 1-1, minuto 10, Méndez; 1-2, minuto 15, Cachón; 2-2, minuto 17, Villa; 2-3, minuto 38, Purao; 2-4, minuto 39, Adri Gaona.
Árbitros: Arca Blanco e Dacaz Deza, de Vigo
Tarxetas: Amarela para Álvarez e Villa, do Ribeira
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
