Na presente edición, farase un achegamento ao Fenómeno Xacobeo
Mondoñedo, 7 de decembro, 2025. Mondoñedo retoma a actividade divulgativa coa habitual cita arqueolóxica de decembro que, na presente edición, acada os 25 anos.
A cita, que combina charlas e visitas, terá lugar os días 12, 13 e 14 de decembro na Sala de Conferencias do Pazo Santomé, na rúa Julia Pardo Montenegro e será unha edición que versará, de forma xenérica, sobre o Fenómeno Xacobeo, abordando aspectos arqueolóxicos, históricos e da historia da arte, combinando isto cunha visita guiada ao Pórtico da Gloria e á Necrópole da Catedral de Santiago.
Nesta edición, o Concello conta coa colaboración Vrije Universiteit Brussel (VUB) (Bruxelas, Bélxica), o Max Planck Insitute of Geoanthropology (Jena, Alemaña) e a Catedral de Santiago, para levar adiante unha presentación e revisión ao respecto da temática proposta.
A edición deste ano, dirixida polo arqueólogo municipal Abel Vigo, conta coa dirección científica de Patxi Pérez Ramallo, quen, entre outras áreas, ten estudado a fondo o fenómeno Xacobeo dende a perspectiva da bioarqueoloxía.
O programa comezará o venres día 12, ás 19:30h coa entrega de documentación e co acto inaugural para arrancar a actividade propia do curso, ás 20:00h, coa intervención de D. Patxi Pérez Ramallo que leva o título “A voz das persoas anónimas: a bioarqueoloxía e a orixe do Camiño de Santiago”
A segunda xornada, o sábado día 13, arrancará pola mañá, ás 12:00h, coa conferencia titulada “La peregrinación a Santiago de Galicia en Época Moderna (siglos XVI-XVIII): crisis y recuperación de un santuario secular”, a cargo de D. Domingo Luís González Lopo.
Na tarde do sábado, ás 18:00h, terá lugar a segunda conferencia do día, titulada “El altar mayor de la Catedral de Santiago de Compostela. Iconografía, peregrinos y ritos de la peregrinación” a cargo de D. Miguel Taín Guzmán.
A actividade finalizará o domingo día 14 cunha xornada en Santiago de Compostela.
Constará dunha conferencia, ás 10:00h, titulada “Aproximación a los últimos procesos de restauración de la Catedral de Santiago”, a cargo de D. Daniel Lorenzo Santos. E, xa pola tarde, continuará cunha visita guiada ao Pórtico da Gloria e á Necrópole da Catedral de Santiago, a cargo de D. Daniel Lorenzo Santos e D. Patxi Pérez Ramallo.
A xornada rematará, unha vez rematadas as visitas guadas, coa entrega de diplomas.
Para a asistir á actividade prégase inscrición a través do e-mail xonradas.arqueo@gmail.com ou a través do teléfonos 982 50 71 77 e 982 52 40 03. A matricula na actividade é gratuíta e estará aberta ata o venres día 12, ás 14h.
Dende o Concello de Mondoñedo queren convidar a asistir a esta actividade a todas e todos os afeccionados ao mundo da historia e da arqueoloxía a través deste atractivo programa de actividades.
Horario detallado
Venres 12 de decembro
19:30h. Entrega de Documentación.
19:45h. Acto de Inauguración.
20:00h. Conferencia.
“A voz das persoas anónimas: a bioarqueoloxía e a orixe do Camiño de Santiago”.
Dr. D. Patxi Pérez Ramallo. Bioarqueólogo
Vrije Universiteit Brussel (VUB) (Bruxelas, Bélxica)
Max Planck Insitute of Geoanthropology (Jena, Alemaña)
Sábado 13 de decembro
12:00h. Conferencia. “La peregrinación a Santiago de Galicia en Época Moderna (siglos XVI-XVIII): crisis y recuperación de un santuario secular”
Dr. D. Domingo Luís González Lopo. Universidade de Santiago de Compostela. Ex-director da Cátedra do Camiño de Santiago Coordinador da Cátedra UNESCO n.º226 de Migracións da Universidade de Santiago
18:00h. Conferencia. “El altar mayor de la Catedral de Santiago de Compostela. Iconografía, peregrinos y ritos de la peregrinación”
Dr. D. Miguel Taín Guzmán. Catedrático da Universidade de Santiago de Compostela. Director da Cátedra do Camiño de Santiago
Domingo 14 de decembro
07:45h. Saída cara a Santiago de Compostela.
Saída do cruce de Rúa da Fonte con Avda. Bos Aires.
10:00h. Conferencia. “Aproximación a los últimos procesos de restauración de la Catedral de Santiago”
D. Daniel Lorenzo Santos. Director Fundación Catedral de Santiago. Coordinador restauración Catedral de Santiago. Membro da Real Academia Galega de Belas Artes. Licenciado en Dereito e Dereito Canónico. Membro do Cabido da Catedral de Santiago
16:00h. Visitas Guiadas á Catedral de Santiago.
Visita guiada ao Pórtico da Gloria
Visita guiada á Necrópole da Catedral
Guiado a cargo de
D. Daniel Lorenzo Santos
Dr. D. Patxi Pérez Ramallo
Entrega de diplomas.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
