Burela, 26 de novembro, 2025. A Organización de Produtores Pesqueiros do Porto de Burela organizou na mañá do mércores 26 de novembro unha nova edición da súa xornada anual sobre “Obrigación de desembarque e valorización de especies de alto potencial comercializador”, á que asistiron alumnos da Escola Oficial Náutica Pesqueira de Ferrol, dentro da colaboración que mantén o centro co Porto de Burela para promoción do oficio pesqueiro.
Na apertura da xornada, que tivo lugar no salón de actos de Armadores de Burela, participou a conselleira do Mar da Xunta de Galicia, Marta Villaverde, que destacou o traballo realizado pola OPP Burela a través dos plans de produción e comercialización, que fan posible este tipo de eventos e que contan con axudas económicas da Unión Europea a través do FEMPA e da Xunta de Galicia a través da Consellería do Mar. Estes plans garanten a trazabilidade e a sustentabilidade do sector, axudando a mellorar a comercialización dos produtos da pesca. Tamén comentou a necesidade de reformular certas normativas como a Obrigación de desembarque.
O xerente de OPP Burela, Sergio López, resumiu os contidos da xornada, que se dividiu en tres bloques temáticos. A primeira parte serviu para analizar as novidades na implementación da OD e o Regulamento de Control coa actualización do marco xurídico europeo e nacional do próximo ano. Neste bloque interviñeron Noelia Cuervo Álvarez, xefa de servizo da área Atlántico da Subdirección Xeral de Caladoiro Nacional e Augas Europeas do MAPA; e Noemí Munguía Corredor, subdirectora adxunta da Subdirección Xeral de Control e Inspección e Loita contra a Pesca Ilegal do MAPA, ponencia con gran interese sobre as novas implementacións de Control a partir do próximo 10 de xaneiro.
Na segunda parte da xornada presentáronse diferentes proxectos técnicos promovidos desde OPP Burela. José Carlos Fernández, do equipo PESCASOST do Instituto Español de Oceanografía de Vigo, presentou de forma práctica os resultados do proxecto REDIPESCA 2025, no que se analiza a selectividade e impacto nos fondos do CNW mediante a mellora de eficiencia con implementación de portas pelágicas na frota de arrastre de litoral de OPP Burela. Este proxecto analizou os aforros enerxéticos de consumo e do impacto no fondo mariño como consecuencia do cambio realizado na arte de pesca.
A continuación, Julio Valeiras Mota, tamén do IEO, presentou os resultados actualizados do proxecto ISPAMER, que analiza o impacto en fondos mariños e selectividade do palangre semipelágico pedra-bóla dirixido á pescada europea en augas do Atlántico da frota palangreira de OPP Burela. O dato máis significativo obtido tras 2 anos analizados e máis de 1.500 lances de pesca observados é que, por cada millón de anzós, só se producen 2,5 capturas de posibles especies bentónicas que poderían ser consideradas especies mariñas vulnerables (VMEs).
Finalmente, Julio Sánchez, responsable da consultora Imbatia, presentou as conclusións do proxecto de análise e descarbonización realizado nas frotas de OPP Burela ao longo deste ano.
No terceiro e último bloque da xornada realizáronse senllas presentacións de innovación e tecnoloxía sobre o sistema Argos de dixitalización e monitorización para eficiencia enerxética ambiental e aplicacións de intelixencia artificial para a pesca, que correron a cargo de Nicolás Murillo, director de desenvolvemento de produtos de Coterena, e de Carmelo Zabala, director xeral de Nautical, respectivamente.
Como en anos anteriores, a xornada finalizou cunha degustación gastronómica de especies de alto potencial comercializador. Nesta edición seleccionáronse seis especies en representación das diferentes frotas: quenlla, peixe espada, cabra de altura, bertorella, pota e xurelo. As receitas que se puideron degustar nesta edición foron: guiso de pota, empanada de xurelo, cabra frita con crema de chícharos e lagostinos, bertorella á galega, e albóndegas de peixe espada e quenlla.
Estas Xornadas enmárcanse no obxectivo de manter informados aos socios da OPP sobre prácticas de pesca que preveñan, eviten e reduzan as capturas non desexadas, impulsando a súa valorización, ao tempo que fomentan o coñecemento sobre a Obrigación de Desembarque. Están incluídas no plan de produción de OPP Burela e contan con axudas económicas da Unión Europea a través do FEMPA e da Xunta de Galicia a través da Consellería do Mar.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
