A directora xeral de Desenvolvemento Pesqueiro destacou que esta iniciativa permitirá “pasar dunha xestión reactiva a unha xestión proactiva, baseada no coñecemento, na predición e na innovación tecnolóxica”
Viveiro, 27 de novembro de 2025. A Xunta aposta polo xemelgo dixital para unha mellor xestión mariña en Galicia sustentada na ciencia e na innovación. Así o manifestou a directora xeral de Desenvolvemento Pesqueiro, Ángeles V. Suárez, no marco da XXIX edición das Xornadas Técnicas de Difusión do Sector Pesqueiro de Celeiro, onde presentou o proxecto MaruxIA. Unha iniciativa pioneira, impulsada pola Xunta, para transformar a forma na que Galicia observa, analiza e decide sobre os seus recursos mariños.
A responsable autonómica explicou que esta acción nace con vontade de converterse nun xemelgo dixital da ría de Arousa, capaz de integrar datos en tempo real procedentes de sensores, redes de observación, bases de datos históricas, modelos oceanográficos e análises biolóxicas. O obxectivo é simular o comportamento do ecosistema e anticipar situacións complexas. “A xestión mariña precisa dar un salto cualitativo”. Traballar con predición, con integración de datos e con modelos avanzados “é fundamental para mellorar o noso coñecemento e tomar decisións máis seguras. MaruxIA representa a Galicia innovadora que apostamos por construír”, subliñou a directora xeral.
Por outra banda, destacou que o proxecto se desenvolve grazas á colaboración cun sólido ecosistema de entidades científicas e tecnolóxicas públicas como o Instituto Tecnolóxico para o Control do Medio Mariño (Intecmar), o Centro de Investigacións Mariñas de Galicia (CIMA), o Centro Tecnolóxico do Mar (Cetmar), ou Observatorio Costeiro de Galicia, entre outras. Todas estas entidades achegan capacidades en ámbitos como a calidade ambiental, a investigación aplicada, a predición océano-meteorolóxica ou o asesoramento técnico para a xestión dos recursos.
“O noso mar merece decisións fundamentadas, anticipación e ferramentas que reforcen a súa sustentabilidade. Por iso, Galicia aposta pola intelixencia artificial como aliada, integrando ciencia e a tecnoloxía no día a día da xestión”, afirmou a directora xeral.
Laboratorio vivo
A Ría de Arousa foi seleccionada como contorna piloto pola elevada densidade de información dispoñible e polo peso económico e social da súa actividade marisqueira. Alí validaranse as ferramentas de simulación, de predición e de alerta temperá antes de que poidan ser replicadas noutras zonas costeiras de Galicia. Entre os retos principais abordados polo proxecto destaca a simulación automatizada de poboacións de bivalvos, a avaliación do impacto do cambio climático sobre especies clave como o polbo, a sepia, as vieiras ou as volandeiras ou a creación dun sistema de alertas e escenarios de predición que permita anticipar episodios críticos como mortalidades masivas, presenza de patóxenos ou alteracións ambientais súbitas.
Apoio europeo
MaruxIA aspira ao respaldo económico da Liña de Fomento da Innovación desde a Demanda (Liña FID), do Ministerio de Ciencia, Innovación e Universidades, cofinanciada polo Programa FEDER. Este mecanismo permitirá desenvolver solucións tecnolóxicas avanzadas que aínda non existen no mercado, mediante a ferramenta da Compra Pública de Innovación (CPI). O proxecto sitúa á Consellería do Mar á vangarda da innovación pública, lanzando retos reais para que empresas, universidades e centros tecnolóxicos poidan crear novas solucións ao servizo do mar galego.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
