“A situación das instalacións fala por si mesma, pero para o PSOE parece que está todo perfecto cando o terreo de xogo está descoidado e mal pintado, as gradas sucias ou o aparcamento chego de buratos, por exemplo”, din
Vilalba, 28 de novembro de 2025. O PP afea a ocultación do goberno local ao negarse a dar explicacións sobre o “deplorable estado” das instalacións deportivas municipais e a súa “falta de mantemento” nos últimos 5 anos. E esta ocultación por parte do PSOE conta co apoio de Vilalba Aberta e BNG; xa que os tres grupos votaron en contra da petición do Grupo Municipal do Partido Popular de Vilalba para que comparecera a concelleira de Deportes, Paula Vigo.
O goberno municipal rexeita, polo tanto, “facer un exercicio de transparencia e a alcaldesa opta por botar balóns fóra”. Así mesmo, consideran que “o BNG actúa como cómplice dándolles o seu apoio e tapando as deficiencias que nos constan a todos” e Vilalba Aberta evidencia a súa “dobre moral” toda vez que dende a oposición esixía transparencia e “agora dende o goberno apoia ao PSOE”.
“A situación das instalacións deportivas municipais fala por si mesma, pero para o PSOE parece que está todo perfecto cando o terreo de xogo está descoidado e mal pintado, as gradas sucias ou o aparcamento chego de buratos, por poñer algúns exemplos”, explican. “Son deficiencias inaceptables derivadas da falta de vontade e de traballo do goberno municipal como titular dunhas instalacións empregadas por moitas familias e nenos que sofren as consecuencias”.
Os populares insisten en que é “urxente” tomar medidas para evitar que se repitan situacións coma as acontecidas a pasada fin de semana polo mal estado das instalacións da Madalena: unha parada nun encontro oficial porque as liñas do terreo de xogo non estaban pintadas correctamente e nenos obrigados a ducharse en auga fría pola falta de previsión e mantemento das caldeiras do campo artificial.
Os concelleiros do PP apuntan que “nos últimos anos os representantes municipais esquecéronse do mantemento das instalacións municipais”. E poñen como exemplo a amortización da praza de persoal que realizaba os labores de mantemento e acondicionamento mentres “pagan case o dobre (50.000€) a unha empresa externalizando o servizo sen que os responsables políticos controlen se se realizan ben os traballos”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
