Cervo, 2 de decembro de 2025. O PSdeG-PSOE na provincia de Lugo denuncia a grave situación que veñen sufrindo as traballadoras e traballadores de Sargadelos, que desde o pasado xoves acudiron cada día ao seu posto de traballo e atoparon a fábrica pechada, sen información, sen comunicación oficial e sen ningunha garantía sobre o seu futuro laboral. Os socialistas consideran “inxusto, inhumano e inaceptable” que unha empresa emblemática de Galicia trate así ao seu persoal, deixando durante días a decenas de familias nunha incerteza absoluta.
Segundo relatan as propias empregadas e empregados, o pasado xoves foron obrigados a abandonar as instalacións e desde entón non recibiron comunicación oficial por parte da dirección. A fábrica permaneceu pechada, sen explicacións nin previsión de reapertura, xerando un escenario de incerteza e preocupación que golpeou de cheo a decenas de familias da Mariña.
Presenza socialista e apoio directo ao persoal
Responsables municipais e orgánicos do PSdeG na Mariña acudiron tanto onte como esta mañá á fábrica para coñecer de primeira man o acontecido e trasladar o seu apoio ao persoal afectado. Entre eles, a Delegada comarcal do PSdeG na Mariña, María Loureiro; o Secretario Xeral de Cervo, Francisco Mon; o Alcalde de Foz, Francisco Cajoto; a Alcaldesa de Burela, Carmela López; a Secretaria Xeral do Vicedo; así como concelleiras e concelleiros de Mondoñedo e Cervo.
Os socialistas subliñan que a prioridade nestes momentos é estar ao lado do persoal, trasladar apoio e escoitar as súas preocupacións nun momento de enorme incerteza. “O que se viviu estes días é profundamente inxusto. Non se pode deixar a decenas de traballadoras e traballadores sen explicacións, sen resposta e sen saber que vai pasar co seu posto de traballo”, destacan.
Un comportamento empresarial inaceptable
O PSdeG insiste en que esta situación non é un episodio illado, senón unha forma de actuar que deixa ás persoas completamente desprotexidas. “O persoal quedou á súa sorte, sen información, sen garantías e sen os mínimos estándares de transparencia que debe cumprir calquera empresa. A xestión destes días é inadmisible e impropia dunha compañía histórica para Galicia”, engaden.
O anuncio de reapertura non resolve a situación
Tras días de silencio, o propietario de Sargadelos anunciou hoxe que prevé reabrir a planta de produción en Cervo. Porén, para os socialistas este anuncio non resolve a situación creada: o que se di é incomprensible e inxustificable despois de varios días mantendo ao persoal nunha indefensión absoluta.
“A día de hoxe, a plantilla continúa sen recibir unha notificación oficial que explique que pasou estes días, por que se pechou a fábrica e en que condicións se vai retomar a actividade. Tampouco se detallaron as supostas actuacións en materia de salubridade ou prevención de riscos que permitirían reabrir as instalacións”, denuncian.
“O anuncio realizado hoxe non vén acompañado de información nin de medidas verificables. Non é posible pedir confianza a un persoal que leva días sen respostas. Primeiro hai que dar explicacións e garantir dereitos, e despois abrir portas”, subliñan desde o PSdeG.
Os socialistas inciden tamén en que seguen agardando saber como se van recuperar as condicións laborais afectadas e a situación das nóminas destes días. “É imprescindible que ningún traballador quede prexudicado, nin económica nin laboralmente. A reapertura non pode ser un borrón e conta nova”, engaden.
A Xunta debe actuar con rigor e responsabilidade
O PSdeG-PSOE lembra que a Xunta de Galicia ten competencias directas en materia industrial e en prevención de riscos laborais, polo que non pode limitarse a avalar anuncios sen supervisión nin información detallada.
“A administración autonómica debe actuar con rigor, garantir o cumprimento da legalidade e asegurar que o persoal traballa con seguridade e estabilidade. O que non pode facer a Xunta é mirar cara outro lado mentres unha empresa deixa ás traballadoras nunha situación límite”, advirten.
Os socialistas engaden que este episodio volve evidenciar a falta dunha política industrial seria na Mariña. “Alcoa leva anos nunha incerteza permanente e agora sumamos este novo capítulo en Sargadelos. A pregunta é clara: que alternativas industriais ten a Xunta para a comarca?”.
Compromiso firme co persoal de Sargadelos
O PSdeG-PSOE na provincia de Lugo reitera o seu apoio absoluto ás traballadoras e traballadores de Sargadelos e comprométese a manterse vixiante ata que se dea unha solución definitiva, digna e transparente. “Sargadelos forma parte da identidade de Galicia, pero quen a sosteñen son as persoas. A súa dignidade laboral e a súa seguridade son o primeiro. Seguiremos ao seu lado ata que esta situación quede completamente resolta”, conclúen.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
