E puntualizan que unha mostra desta nefasta xestión económica “é o apartado de inversións xa que segue arrastrando case os mesmos proxectos que na pasada anualidade”
Mondoñedo, 4 de decembro de 2025. Os Socialistas de Mondoñedo rexeitaron na pasada sesión plenaria do mes de novembro os orzamentos do PP, xa que “son unhas contas irreais, continuistas e segue sen resolver moitos problemas que levamos padecendo dende fai anos, tanto nas parroquias como no casco histórico”. E puntualizan que unha mostra desta nefasta xestión económica “é o apartado de inversións xa que segue arrastrando case os mesmos proxectos que na pasada anualidade”.
O orzamento do 2026 ascende a un total de 4.024.77 euros, o ano pasado era de 3.903.185 euros, a diferenza é de 121.590 euros. É publico e notorio que o montante no que máis investimos é en gasto de persoal, “que supoñen un total de 2.602.939 euros”. “Hai que resaltar a partida destinada a gasto social que ascende a 1.155.986 euros”.
Máis polo miúdo constatamos que a partida de fomento de emprego é de 50.038 euros, o ano pasado era de case 51.000 euros. No que atinxe aos investimentos reais suman un total de 32.064 euros, “esta partida é raquítica, bastante frouxa e carente completamente de propostas e iniciativas”, advirten.
Dende o PSdeG explican outros dos gastos mais chamativos do Concello de Mondoñedo está destinado ás atencións protocolarias e publicidade e propaganda, “que suman un total de 53.600 euros, polo tanto aumenta con respecto ao ano pasado en 3.000 euros, (no 2025 era de 50.600). Hai que lembrar que en anos anteriores esta suma ascendía a 90.000 euros”.
Os socialistas de Mondoñedo avanzamos diversas propostas para mellorar as arcas municipais. “Temos que reforzar a plantilla municipal, xa que hai 10 postos vacantes, non podemos seguir subcontratando e duplicar os postos que xa están cubertos”. Por outra banda, “hai que reducir o gasto corrente, como por exemplo a través do aforro enerxético. O concello esta pagando máis de máis de 200.000 euros e as facturas de luz seguen subindo. Hai que buscar nichos de colaboración coas empresas instaladas no concello”.
“Outro asunto que nos parece importante, e que xa xa criticamos o ano pasado é o de pechar chiringuitos. Estamos pagando cada mes preto de 1.000 euros de alquiler a un particular por ter un negocio deportivo aberto, que non cumpre nin coas mais mínimas garantías de accesibilidade. E mentres a casa da Cultura segue pechada e sen visos de abrila e darlle utilidade, como o museo da imprenta, pechado desde que se inagurou. Temos que priorizar as inversións públicas e non pagar favores persoais”, insisten dende o PSdeG.
Tamén aludiron a constante peticións de asociacións e veciños de Mondoñedo que reclaman melloras nas súas parroquias, como os de Maariz, Vilamor, Viloalle, Santa María Maior ou Argomoso nas que demandan mellores accesos, rozas, ou sinalizacións. Por todo isto reclamamos “escoitar a todo o mundo e priorizar os poucos recursos cos que contamos, para tentar buscar solucións, tendendo pontes de dialogo con toda a veciñanza”. Por último demandaron “darlle unha volta ao convenio cos artesáns dos Muíños”, e lembraron o informe da EDAR que “é demoledor”, e no que se demanda ao Concello de Mondoñedo por parte da Administración Autonómica, “un plan de choque urxente para mellorar estas instalacións”.
Rogos e preguntas
Nesta mesma sesión plenaria tamén interpelamos ao Goberno do PP de Mondoñedo polas obras de mellora nos accesos, que se levan reclamando dende fai moito, ao carón do supermercado DIA, dende o Concello manifestan que non teñen ningunha competencia nesta contorna, “xa que é privado”.
Sobre o estado de execución do PEPRICH, avanzaron que están respondidas as alegacións, e que tamén se informou ao requirimento de infraestruturas que estaba pendente. Preguntado pola posible data de finalización deste proxecto, puntualizaron “que era moi difícil” avanzar un prazo.
Sobre a asesoramento ou colaboración está ofrecendo o Concello de Mondoñedo aos veciños afectados pola instalación dos parques eólicos BARO e VILAMALAFRONSER, que afecta á parroquia de Santa María Maior. “Os veciños están moi preocupados pola instalación destes parques na contorna, xa que a dia de hoxe tal e como constatamos seguen tendo moitos problemas pola escorrentias das augas. Por iso insistimos, que en colaboración ca veciñanza, revisen a implantación destes parques eólicos na parroquia sobre todo no que se refire á canalización das augas, e dende o Concello de Mondoñedo presenten as alegacións que estimen oportunas”.
Tamén nos interesamos por coñecer algunha previsión do Goberno Municipal para traer algunha proposta expositiva de Mauro Leivas a Mondoñedo, sinalaron que están abertos a solicitala.
Utilización do coche protección civil
E dende o PSdeG tamén preguntamos ao Goberno do PP pola utilización do coche protección de civil polo concelleiro de Servizos estando de baixo laboral. Xa que constatamos que seguiu facendo uso deste vehículo cando non se atopaba traballando. “Se non está exercendo as súas funcións, queremos saber con que finalidade se emprega este vehículo municipal?, preguntaron os socialistas. O concelleiro aludido respondeu nesta mesma sesión plenaria “que pode utilizar este vehículo (pagado con fondos municipais), estando de baixa igual, porque ten un seguro que o cubre”.
No apartado de rogos demandamos mellorar as instalacións da estación de autobuses, “ coa colocación de cámaras de seguridade, o peche de portas, ou calquera outra iniciativa que estimen convinte”. Solicitamos a retirada de vallas en tódolos puntos da localidade que non teñen ningunha utilidade, así como as vallas existentes no campo dos Paxariños.
E no Barrio de San Lázaro, o veciños, solicitan a intervención do Concello para a limpeza e mellora do río. Actualmente, a acumulación de vexetación representa un risco potencial de desbordamentos e inundacións, polo que consideran urxente acometer labores de mantemento e acondicionamento que garantan a seguridade e o benestar da veciñanza. E por último, que se mellore a sinalización da rúa Rocha de Velez, xa que non esta indicado en ningún sitio que a rúa esta cortada por obras.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
