Xove, 6 de decembro, 2025. O alcalde de Xove, Demetrio Salgueiro, acompañado da concelleira de Cultura, Mª Dolores Meitín, presentou a programación de actividades culturais de Nadal, deseñada para ofrecer diversión e maxia a toda a veciñanza que desexe achegarse a desfrutar destas datas tan entrañables.
O programa cultural para este Nadal desenvolverase ata o 5 de xaneiro e inclúe unha ampla variedade de propostas que combinan tradición e entretemento, pensadas para todas as idades.
Tamén destacan as actividades promovidas desde o Departamento de Emprego e Desenvolvemento Local, que organiza a VII Gala do Emprendemento Local, un cabaré guiado por Dani Ríos para todos os públicos, e o mercado de Nadal “O Faio de Generosa”, que ademais contará coa participación do grupo de pandereteiras Xaora.
Este xoves, 4 de decembro, deu comezo a programación cun emotivo acto inaugural das luces de Nadal, no que o alumnado da Escola Municipal de Música interpretou fermosas panxoliñas para todos os asistentes.
Ao longo de todo o mes, a veciñanza poderá gozar dunha ampla variedade de propostas: actuacións de maxia, obras teatrais, concurso de karaoke, concerto de acordeóns, inchables para os máis pequenos, festas infantís e moita animación.
Non faltarán tampouco os eventos máis esperados de cada ano, como a visita especial de Papá Noel o día 22 e, o 5 de xaneiro, a tradicional Cabalgata de Reis polas rúas de Xove, que porá o broche final ás festas de Nadal.
Ademais, desde o Departamento de Cultura faise un chamamento a todas as persoas que desexen unirse ao desfile real como paxes ou axudantes, con vestimenta propia destas datas, para participar na cabalgata. As persoas interesadas poden inscribirse cubrindo un impreso de voluntariado na Oficina Municipal de Información Xuvenil (OMIX) antes do 26 de decembro.
O alcalde, Demetrio Salgueiro, destaca a importancia de manter viva a ilusión do Nadal en Xove para que estas festas sexan un tempo de unión e alegría para toda a veciñanza, e agradece a todas as persoas voluntarias e asociacións colaboradoras o seu apoio na organización destes eventos.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
