A versión en danza da obra clásica de Shakespeare chegará á Casa da Cultura o 26 de decembro ás 20:00 h
Burela, 24 de decembro do 2025. O Concello de Burela anuncia a celebración do espectáculo de ballet “Romeo y Julieta”, que terá lugar o venres 26 de decembro de 2025 ás 20:00 horas na Casa da Cultura de Burela. O espectáculo, baseado na obra de William Shakespeare e coa composición musical de Serguéi Serguéyevich Prokófiev, forma parte da xira por España presentada por Leonor Gago.
A peza traslada ao escenario a coñecida historia ambientada na antiga Verona, onde a rivalidade entre as familias Capuleto e Montesco condiciona o amor de dous mozos. O ballet percorre momentos clave como o primeiro encontro nun baile, o matrimonio secreto, o dó, o desterro ou o intento de fuga, nunha trama que avanza cara ao seu desenlace tráxico. A obra preséntase como un himno á xuventude e unha reflexión sobre o poder do amor fronte ao odio.
A concelleira de Cultura, Lina Gómez, salientou que “é unha satisfacción poder ofrecer un espectáculo desta categoría no Nadal, unha época na que apostamos por propostas que eleven a programación cultural e acheguen experiencias memorables á cidadanía”. Engadiu tamén que “a presenza deste ballet supón unha oportunidade excepcional para gozar dunha obra universal interpretada por unha compañía de primeiro nivel”.
As entradas xa están dispoñibles en Ataquilla e, dende o Concello, animan a toda a veciñanza a participar nesta cita cultural que pecha o ano cun espectáculo único na Casa da Cultura.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
