Tomé dimite como presidente da Deputación, deixa o PSOE e continuará como alcalde de Monforte

O ata agora secretario xeral do PSdeG na provincia de Lugo anunciou en Monforte a súa renuncia aos seus cargos orgánicos. Na comparecencia tamén confirmou a súa decisión respecto da Alcaldía: continuará gobernando Monforte como non adscrito, xunto ao resto dos edís socialistas, “até que se resolva a situación”. Deste modo, mantén tanto a Alcaldía como a súa acta de deputado provincial, tamén como non adscrito. Tomé explicou que a súa decisión “voluntaria” de conservar a Alcaldía e non a Presidencia da Deputación responde á “ampla maioría absoluta” coa que conta en Monforte, fronte á Deputación, onde o PSdeG goberna en coalición co BNG. Asegura que dimite como presidente provincial para “facilitar que o Goberno siga funcionando ben”.