Foz, 10 de decembro de 2025. O portavoz do Grupo Municipal do Partido Popular en Foz, Javier Jorge Castiñeira, anuncia que a concelleira do grupo, Dolores Labrada, presentou na xornada de hoxe a súa renuncia como concelleira por motivos laborais e persoais.
Castiñeira quixo, en primeiro lugar, agradecer de maneira pública a entrega, dedicación e compromiso que Labrada amosou durante todos estes anos de traballo corporativo, tanto co conxunto do pobo de Foz como co propio Partido Popular, e moi especialmente cos seus veciños de San Martiño, “que sempre tivo moi presentes en cada decisión e en cada iniciativa”.
O portavoz destacou ademais “o apoio constante que Dolores Labrada me trasladou a nivel persoal, así como a confianza depositada en min e en todo o equipo da candidatura do Partido Popular de Foz”. Subliñou tamén que “o seu labor deixa unha fonda pegada no noso proxecto e no traballo diario do grupo”.
Do mesmo xeito, Castiñeira quixo transmitirlle a Labrada “os nosos mellores desexos de éxito nesta nova etapa vital e profesional, moito ánimo e toda a nosa gratitude polo seu compromiso exemplar”.
Respecto do futuro inmediato do Grupo Municipal, o portavoz sinalou que este se afronta “con total normalidade e coas mesmas expectativas de traballo e dedicación ao servizo dos veciños”. A renuncia de Labrada dará paso á incorporación do compañeiro Iago Eiroá, de Vilaronte, que tomará posesión da acta unha vez se tramite o expediente correspondente por parte do Concello de Foz.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
