Ribadeo, 13 de decembro de 2025. O Santuario da Nosa Señora das Virtudes, de A Ponte de Arante, acolleu esta mañá o acto conmemorativo do X Aniversario da Declaración dos Camiños do Norte como Patrimonio da Humanidade.
O acto comezou co descubrimento da placa conmemorativa do 10º aniversario dos Camiños do Norte como Patrimonio da Humanidade, que recolle unha frase de Álvaro Cunqueiro “a Compostela achégase un como quen se achega a un milagre”. Xa dentro da igrexa tomou a palabra Begoña Sanjurjo, a concelleira de Cultura. Despois foi proxectado un vídeo para poñer en valor o Camiño de Santiago e tamén o Camiño Norte como fonte viva e activa de peregrinos cara Compostela. A continuación tivo lugar a quenda de intervencións: Ángel Trabada, vicepresidente da Federación Española de Asociacións de Amigos do Camiño de Santiago; Fernando García Cadiñanos, Bispo de Mondoñedo-Ferrol; José Manuel Merelles, director da Axencia de Turismo de Galicia, e Dani Vega, alcalde de Ribadeo, que apostou por impulsar o Camiño Norte dun xeito colectivo e subliñou que é un motor económico importante e esencial para os concellos polos que discorre. O rexedor tamén dixo que a Capela da Nosa Señora das Virtudes é o lugar ideal para acoller un acto relevante coma o celebrado este sábado.
No acto foi nomeado académico da Academia Xacobea Ricardo Gómez Polín, profesor da Universidade de Santiago de Compostela e estudoso dos Camiños. Os intervintes destacaron o traballo realizado ao longo dos anos sobre o Camiño e puxeron de releve que reúne todos os requisitos necesarios para converterse en novo académico. Gómez Polín recibiu diferentes agasallos de mans de varias directivas da Academia Xacobea co seu presidente, Marcelino Agís, á fronte, e do alcalde ribadense.
O broche de ouro á xornada púxoo a Coral Polifónica de Ribadeo.
Á celebración asistiron entre outros, o alcalde de Trabada e o delegado territorial da Xunta en Lugo, ademais doutras autoridades civís e militares.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
