Viveiro, 19 de decembro, 2025. O Partido Socialista denuncia que o Partido Popular rexeitou todas as emendas presentadas aos Orzamentos da Xunta de Galicia que afectaban directamente a Viveiro, demostrando —din— que os anuncios non se corresponden cos feitos nin cos compromisos reais co concello.
No caso de Viveiro, o PSOE formulou tres emendas concretas e xustificadas, todas elas rexeitadas polo PP na tramitación parlamentaria.
En primeiro lugar, solicitouse incrementar a partida destinada á Vía de Altas Prestacións. Os 4 millóns de euros recollidos nos orzamentos resultan insuficientes e mesmo inferiores aos 10 millóns consignados o ano pasado, o que impide avanzar de maneira real nesta infraestrutura. Para o PSOE, esta dotación é “unha burla” e evidencia que a Xunta non ten vontade de impulsar unha vía fundamental para a Mariña.
En segundo lugar, os socialistas reclamaron máis fondos para a humanización do peirao de Viveiro. Lembran que o conselleiro do Mar anunciara un proxecto de arredor de 1,8 millóns de euros, pero nas contas da Xunta só aparece unha partida de 165.000 euros, claramente insuficiente e moi afastada do prometido.
Por último, o PSOE propuxo introducir unha partida de 300.000 euros para continuar a actuación na Rúa do Porto en Celeiro. Durante o anterior mandato socialista, o Concello executara unha obra de máis de 600.000 euros en colaboración coa Deputación de Lugo, quedando pendente a parte fronteiriza co dominio portuario, competencia de Portos de Galicia. A actuación fora aprobada por unanimidade nunha moción plenaria, pero non se incluíu nos orzamentos da Xunta.
Dende o PSOE lamentan que Viveiro quede de novo fóra dos investimentos reais da Xunta e critican que o PP empregue a súa maioría absoluta para rexeitar todas as emendas da oposición, mesmo aquelas pensadas exclusivamente para mellorar o concello. “Se unha actuación non está no orzamento, non é un compromiso real, só un anuncio”, conclúen.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
