Viveiro, 23 de decembro, 2025. O PSOE de Viveiro denunciou que o anuncio realizado este martes en Viveiro polo presidente da Xunta, Alfonso Rueda, confirma “un feito moi grave”: que o municipio queda finalmente sen a Vía de Alta Capacidade (VAC).
Segundo sinala a formación socialista, o proxecto presentado non corresponde a unha VAC, senón a “unha simple variante de estrada” cun investimento duns 60 millóns de euros, moi afastado dos máis de 250 millóns que, segundo lembran, supuña a Vía de Alta Capacidade que a propia Xunta esixira durante anos ao Concello de Viveiro.
O partido lembra que foi o Goberno galego quen obrigou ao Concello a incluír no PXOM o trazado da VAC imposta, condicionando durante máis dunha década o desenvolvemento urbanístico do municipio. Tanto o executivo municipal socialista como o resto da Corporación aceptaran aquela imposición para poder avanzar no Plan Xeral.
Por este motivo, o PSOE considera “chamativo” que agora se presente como novidade unha solución que, ao seu xuízo, podería terse executado hai anos “se a Xunta tivese vontade política”. Engaden que non se fixo antes “non por falta de colaboración do Concello, senón porque non quixeron”.
Os socialistas subliñan que esta decisión supón “renunciar definitivamente” a unha Vía de Alta Capacidade, unha infraestrutura que —recordan— si teñen outras comarcas galegas. O novo proxecto, afirman, é “máis limitado e cun investimento claramente inferior”.
O PSOE de Viveiro tamén expresa a súa preocupación polo impacto que esta renuncia pode ter no PXOM, xa que durante anos se mantivo un trazado concreto para poder avanzar na súa tramitación. Cambiar agora o modelo de infraestrutura, indican, implica “volver a empezar de cero nalgúns aspectos”.
A formación critica que o goberno local acepte esta “rebaixa” sen realizar esixencias nin reivindicacións, e considera que conformarse cunha variante de 60 millóns de euros é “aceptar unha solución á baixa” e renunciar a unha infraestrutura estratéxica para o futuro de Viveiro e da Mariña.
O PSOE cualifica de “ofensivas” as declaracións da alcaldesa nas que agradeceu a “empatía” do presidente da Xunta. A formación lembra que, ao seu xuízo, durante máis de 15 anos os gobernos galegos “bloquearon proxectos e investimentos en Viveiro” por motivos políticos. Engaden que, se agora existe empatía, “chega tarde” e non compensa “anos de abandono”, especialmente cando o anuncio supón “renunciar á VAC e conformarse cunha variante”.
Finalmente, o PSOE de Viveiro afirma que non se opón a investimentos polo feito de selo, pero insiste en que a súa obriga é “dicirlle á veciñanza a verdade: o que se prometeu, o que agora se renuncia e as consecuencias para Viveiro”. Conclúen pedindo que “cada quen asuma a súa responsabilidade política” e que a cidadanía coñeza “o que se está facendo e o que se está deixando perder”.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
