Hoxe vou falar da conciencia galeguista durante a ditadura franquista e, para tal fin, volvín revisar o libro do profesor e presidente da RAG, Henrique Monteagudo: O idioma galego baixo o franquismo.
Trátase dun libro extraordinariamente documentado que nos desvela polo miúdo a brutal represión que sufriu o galego durante a ditadura e, como contraste, a estoica resistencia dun egrexio grupo de galeguistas arredor da Editorial Galaxia, creada en 1950.
Falamos dun grupo de persoas profundamente comprometidas coa nosa cultura e coa nosa lingua, firmemente decididas a manter viva —no medio de tanta barbarie— a memoria da nosa identidade, ao tempo que retomaban desde o eido cultural a loita pola dignidade nacional de Galicia.
O libro permítenos coñecer con detalle a represión á que foi sometida a nosa lingua e, como consecuencia, as dolorosas repercusións que tal actitude tivo na personalidade máis íntima dos galegofalantes.
E fronte a ese sistemático linguicidio, emerxe como unha bafarada de esperanza a extraordinaria laboura a prol da nosa cultura e da nosa lingua dun grupo de galeguistas movidos por un compromiso insobornable coa que é a creación máis propia da alma deste pobo.
Un traballo que, coa perspectiva que nos dá o tempo, ben podemos cualificar como unha auténtica odisea. Ao seu fronte estiveron, ademais de don Ramón Otero Pedrayo —verdadeira ponte entre a Xeración Nós e a Xeración Galaxia—, outros salientables persoeiros como Ramón Piñeiro, Francisco Fernández del Riego, Ricardo Carballo Calero, Illa Couto e moitos outros que se foron sumando, como Alonso Montero ou a Xeración das Festas Minervais, sempre coa colaboración de numerosos galegos emigrados e exiliados. Todos eles entregados sen reserva a ser a conciencia dun pobo asoballado pola brutal represión franquista, nun tempo no que a súa lingua era proscrita e identificada coa incultura.
En definitiva, esta resistencia creativa do galeguismo, ademais de dotar a nosa lingua e a nosa cultura de prestixio en tempos tan escuros, constitúe unha auténtica loita civilizatoria contra a barbarie e a sinrazón. Unha loita que, nin moito menos, está rematada, polo que cómpre seguir empurrando para que a nosa cultura e a nosa lingua acaden a plena normalización.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
