As contas dan prioridade ao funcionamento dos servizos públicos e á estabilidade económica do Concello
Viveiro, 30 de decembro de 2025. O Concello de Viveiro aprobou no pleno extraordinario celebrado onte o Orzamento municipal para o exercicio 2026. O documento foi presentado en tempo e forma, tal e como se comprometerá a facelo o equipo de Goberno. Ten como obxectivo garantir a normalidade da vida municipal e o cumprimento das obrigas institucionais. A proposta saíu adiante cos votos a favor do PP e Por Viveiro, e en contra do PSOE e do BNG.
Durante a elaboración das contas, o Goberno local mantivo unha actitude aberta ao diálogo e ao consenso, tanto cos diferentes grupos da Corporación como cos axentes sociais, culturais e deportivos do municipio. O proceso desenvolveuse nun contexto económico complexo, marcado por dous exercicios anteriores con peches deficitarios. Esta circunstancia condicionou de maneira significativa a configuración do Orzamento 2026.
Esta situación de partida limita a capacidade de manobra, aínda que se confía en que esta poida mellorarse no futuro. Especialmente coa próxima aprobación do Plan Xeral de Ordenación Municipal (PXOM), que permitirá abrir novas oportunidades de desenvolvemento económico e estabilidade financeira para Viveiro.
A alcaldesa Mariña Gueimunde salientou que o de 2026 «é o primeiro Orzamento aprobado en tempo e forma despois de moito tempo, tras anos de deixamento de partidos como o PSOE e o BNG, que o único que fixeron foi poñer trabas e levar ao Concello á bancarrota». Tamén destacou «a labor dos funcionarios municipais» no proceso para sacar adiante as contas. E avanzou que o equipo de Goberno traballará para que outras administracións se impliquen con Viveiro.
No ámbito político, nin o BNG nin o PSOE formularon achegas concretas ao proxecto orzamentario durante o proceso de diálogo previo mantido polo equipo de Goberno. O PSOE rexistrou posteriormente un documento de recomendacións, valorado como achegas de carácter xeral, que non supuxeron modificacións directas do orzamento.
Pola súa banda, co grupo Por Viveiro acadouse un acordo que permitiu incrementar as partidas nominativas e reservar 20.000 euros para o arranxo do paseo da fachada.
O Orzamento municipal de Viveiro para 2026 ascende a 15.117.747,46 euros. As principais partidas distribúense do seguinte xeito:
– Gastos de persoal: 7.105.085,60 €
– Gastos correntes en bens e servizos: 6.517.250,33 €
– Gastos financeiros: 60.680,00 €
– Transferencias correntes: 389.610,65 €
– Fondo de continxencia: 254.344,33 €
– Investimentos reais: 101.397,66 €
– Transferencias de capital: 97.283,04 €
– Activos financeiros: 35.000,00 €
– Amortización da débeda: 557.495,75 €
Desde o Goberno municipal defínese o Orzamento de 2026 como un documento realista e responsable, adaptado á realidade do Concello. Nel priorízanse o funcionamento dos servizos públicos, o cumprimento das obrigas económicas e a estabilidade institucional.
Está orientado a garantir a prestación de servizos, soster a actividade municipal e sentar as bases para unha mellora futura das contas públicas de Viveiro.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
