Foz, 10 de xaneiro de 2026. O alcalde de Foz, Fran Cajoto, mantivo unha reunión de traballo este pasado xoves co delegado do Goberno en Galicia, Pedro Blanco, e coa subdelegada do Goberno en Lugo, Olimpia López, xuntanza na que estiveron presentes varios concelleiros do goberno municipal. No encontro trataron asuntos como melloras en comunicacións e outros temas de interese para o municipio.
“Comezamos o 2026 como rematamos o 2025, traballando”, declarou o alcalde de Foz, que engadiu: “quero agradecerlle ao delegado do Goberno a empatía cos proxectos que ten Foz en marcha e á subdelegada en Lugo o especial interese para impulsar un concello coma o noso, que medra de forma sostida en poboación e economía. Foi unha reunión de traballo moi interesante, produtiva”.
Fran Cajoto explicou que “no tocante ás estradas do Estado, tratáronse as rotondas de Cangas, que están contratadas e pendentes de executar a corresponde á intersección coa estrada LU-162 a Ferreira por mor do retranqueo dunhas canalizacións; a mellora da intersección coa LU-152 -publicada no BOE no 2024- e o novo acceso Foz Centro desde a variante. Tamén se abordou a necesidade de avanzar na construción da autovía A-74 para vertebrar a comarca da Mariña. No referente a ADIF, falouse do contrato de 1,34 millóns de euros para o proxecto e obra de sostemento da vía na praia de Arealonga en Fazouro, adxudicado hai escasos tres meses. Tamén se tratou de novo a posibilidade de construción dun paso peonil para dar servizo á estación de tren de Foz, así como a posibilidade de novos usos e melloras nesta e outras estacións. No tocante aos proxectos en marcha da Dirección Xeral da Costa e o Mar, tratouse entre outros proxectos a publicación da fase 1 e fase 2 do retranqueo dos paseos de Cangas -cala de San Pedro- e Arealonga -Fazouro- publicados no BOE a finais do pasado mes de outubro. Tamén a demanda do Concello ao impulso de proxectos como a creación dunha área recreativa na Areoura e a conexión coa zona dos Castros en Cangas ou a execución da segunda fase do carril bici en Llas. Tamén se abordaron os trámites para a reversión dos terreos portuarios en desuso de Foz, dunha importancia estratéxica para o Concello, que contarán cunha reserva como Dominio Público Marítimo Terrestre na parte máis próxima ao borde do peirao”.
Vivenda
O alcalde de Foz engadiu: “expúxenlle ao delegado do Goberno e á subdelegada a decepcionante resposta que nos trasladou a conselleira de Vivenda da Xunta en sede parlamentaria, que rexeitou comprometerse a promover vivenda pública en Foz a pesar de ser unha competencia directa da Xunta segundo o Estatuto de Autonomía. Nin sequera quixo abordar un convenio no que o Concello aportara os terreos necesarios. A suba do prezo de aluguer e a nula promoción de vivenda pública por parte da Comunidade Autónoma é sen dúbida o principal problema que nos trasladan as veciñas e veciños de Foz. Pareceunos moi interesante a opción da nova Entidade Estatal de Vivenda e Solo, CASA47, do Goberno Central, presentada o pasado mes de decembro e que pretende manter un parque público de vivenda de aluguer -con duracións de ata 75 anos- a prezos asumibles. Imos traballar tamén nesta vía”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
