As subvencións cubrirán ata o 70% do investimento, cun máximo de 3.000 euros por solicitante, e poderán solicitarse entre o 16 de xaneiro e o 16 de febreiro
Viveiro, 12 de xaneiro de 2025. O Diario Oficial de Galicia publicou o 7 de xaneiro a resolución pola que se aproban as bases reguladoras para a concesión, en réxime de concorrencia non competitiva, das axudas para actuacións de corrección de impactos paisaxísticos destinadas a persoas físicas, así como a súa convocatoria para o ano 2026. Este programa ten como finalidade a corrección de impactos paisaxísticos en congruencia cos valores recollidos no Catálogo das Paisaxes de Galicia e cos obxectivos e criterios establecidos nas Directrices de Paisaxe de Galicia. Está xestionado polo Instituto de Estudos do Territorio.
Serán subvencionables as actuacións de restauración ou revestimento de elementos de fachada; o remate, renovación ou substitución do acabado exterior das cubertas; e a recuperación, restauración ou revestimento de muros de peche de terreos.
O importe da axuda poderá acadar o 70% do orzamento do investimento subvencionable, calculado en función do valor de mercado e aceptado polo Instituto de Estudos do Territorio. O límite máximo será de 3.000 euros por solicitante e ben.
O prazo de presentación de solicitudes iniciarase o 16 de xaneiro e rematará o 16 de febreiro.
Para máis información ou para tramitar as solicitudes, os interesados poden acudir, con cita previa, á Oficina de Rehabilitación do Casco Histórico de Viveiro, situada na Praza Maior, 1, ou contactar a través do teléfono 982 56 29 68.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
