O Valadouro, 14 de xaneiro, 2026. A finais de 2024, en plena asignación das datas para o calendario deportivo de 2025, o club púxose en contacto co Concello do Valadouro. Naquel momento non recibiu atención, xa que o novo goberno municipal estaba en proceso de constitución. Por iso, a comezos de 2025 retomouse o diálogo para valorar a organización dunha proba de raíd en 2026. Nesa conversa, tanto o alcalde como a concelleira de Deportes trasladaron que sería posible financiar integramente o evento.
Cando chegou a fase de asignación de datas para as probas de 2026, o club volveu contactar co Concello do Valadouro. Porén, a atención recibida por parte da concelleira de Deportes foi escasa —ou máis ben nula—, alegando, en palabras textuais, “problemas persoais” e indicando que atendía o cargo “a semanas alternas”. Tras tres semanas de espera para obter unha simple resposta, o club decidiu falar directamente co alcalde, quen finalmente comunicou que o Concello non prestaría axuda.
Co obxectivo de non renunciar ao proxecto, o club acudiu ao Concello de Alfoz, xa que o val no que se atopa a entidade abrangue ambos municipios. Alfoz trasladou con total claridade que podía financiar ata o 70% da proba e ofrecer apoio loxístico segundo as necesidades. Con esa garantía, só restaba a confirmación da Federación Hípica Galega, á que só se pode acudir unha vez asegurada a viabilidade económica do evento.
Na Federación valorouse inicialmente a posibilidade de celebrar a proba en decembro de 2026. O club quedou á espera da confirmación, pero finalmente comunicóuselle que, por problemas de orzamento, só se organizarían sete probas —oito contando coa internacional— porque, en palabras textuais, “non queda diñeiro para repartir”. Ante esta situación, o presidente do club informou ao Concello de Alfoz de que destinase os fondos previstos a outras organizacións, xa que o club só podería optar a unha data no caso de que outra proba fose cancelada, algo que considerou inxusto tras meses de espera.
O club quere agradecer sinceramente a colaboración e a disposición do Concello de Alfoz. Non así a do Concello do Valadouro, do que afirma ter recibido unicamente escusas e falta de atención, o que obriga a entidade a renunciar ao obxectivo de organizar unha proba de raíd neste val
Próximos pasos do club
A partir de agora, o club centrará os seus esforzos en:
• Buscar cabalos adecuados para a disciplina de raíd.
• Participar nas probas xa organizadas en Galicia e Asturias.
A entidade agradece o apoio recibido e expresa o seu desexo de ter sorte nesta nova etapa.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
