O Vicedo, 16 de xaneiro de 2026. O Grupo Municipal do PSdeG-PSOE no Vicedo vén de rexistrar unha moción que se debaterá no pleno do mércores 28 de xaneiro, coa que busca garantir unha transparencia real mediante a gravación e difusión das sesións plenarias.
A voceira socialista, Verónica Canoura, explica que a iniciativa responde a unha demanda crecente da veciñanza, que reclama poder seguir os plenos “porque non sempre poden acudir presencialmente por motivos laborais, familiares, de saúde ou por vivir noutras parroquias”.
Desde o PSdeG lembran que a proposta non pretende xerar confrontación, senón reforzar a relación entre o Concello e a cidadanía. “O único que pedimos é transparencia. Un Concello aberto, accesible e no que calquera persoa poida saber que se debate e que se decide”, sinalan.
A moción propón implantar un sistema sinxelo de gravación en vídeo e/ou audio e publicar as sesións completas nun prazo máximo de 72 horas nos medios oficiais do Concello. Tamén recolle que o proceso se realice cumprindo a normativa de protección de datos, centrando a gravación nas intervencións da Corporación e evitando enfocar ao público asistente.
Canoura lembra que se trata dunha medida “totalmente asumible”, xa implantada noutros concellos da Mariña e da provincia, e considera que o Vicedo “tamén debe avanzar nese camiño”.
O PSdeG do Vicedo afirma que continuará presentando propostas orientadas a mellorar o funcionamento democrático e a participación veciñal: “A veciñanza merece información clara, directa e accesible. E iso tamén é facer política útil”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
