En Galicia contamos con extraordinarios referentes en moitos eidos. Un dos máis populares é Rosalía de Castro, porque encarnou como ninguén o sentir da alma do noso pobo. Outro é Castelao, que foi a conciencia mais profunda de nós.
Porén, tamén contamos con outros referentes extraordinarios que o seu coñecemento non chegou ao gran público. Unha veces por mala fe, outras por desidia institucional. Pero a súa divulgación sería un gran aporte á nosa autoestima como galegos.
Dentro deses outros referentes poderiamos empezar por Isidro Parga Pondal. Figura senlleira no eido económico e empresarial. Capaz de asociar economía con identidade ao tempo que soubo crear unha concepción económica innovadora que tivo no empresario Antonio Fernández López un dos seus mellores expoñentes.
Cómpre salientar neste caso que Galicia non tería aproveitado os seus recursos minerais sen o aporte de Parga Pondal. Responsable de que hoxe exista o Mapa Xeolóxico de Galicia. Unha achega fundamental para a economía galega.
Pero temos outros referentes sobranceiros que tamén uniron economía e identidade. É o caso de Isaac Díaz Pardo e Luis Seoane, creadores dun dos proxectos máis interesantes da Galicia do século XX. Estamos a falar do Laboratorio de Formas creado en 1963 e dando lugar ao renacemento da fábrica de Sargadelos.
Tampouco podemos esquecer a Enrique Peinador Lines. Un empresario de gran audacia e sempre comprometido co seu país. Un filántropo que soubo continuar e engrandecer a obra do seu pai, o médico pontevedrés Enrique Peinador Vela, fundador da empresa Augas de Mondariz e do seu gran Hotel Balneario.
E no cume do emprendemento empresarial de Galicia, en estreita relación co desenvolvemento das nosas potencialidades, cómpre salientar aos fillos de Antón de Marcos, os irmáns Fernández, que de tratantes de gando, chegaron nos anos setenta do século pasado a crear a maior empresa pesqueira de Europa occidental e primeira multinacional galega como foi Pescanova.
Enfín, é moito o que quedaría por dicir da súa obra e doutros persoeiros dos que non falei como Álvaro Gil ou Valentín Paz Andrade, pero todos Iles, ademais de contribuír ao desenvolvemento auto centrado de Galicia, tiveron tamén un compromiso insobornable coa nosa cultura e a nosa identidade. Algo fundamental para poder avanzar como un país de seu.
Porén, malia o noso potencial, decote, carecemos dun decidido compromiso institucional co noso desenvolvemento endóxeno acorde aos nosos valores identitarios e aos nosos recursos naturais. Unha tarefa, que de materializarse, de seguro que contribuiría a diminuír os atrancos para o normal desenvolvemento do país.
Aínda así, estou convencido que a forza dos nosos valores sempre serán quen de transcender o histórico abandono institucional e prender na alma de moita da nosa xente que a día de hoxe continúa pelexando para que perdure encendida a chama da esperanza dunha Galicia próspera e de seu.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
