Os burelenses competiron os 40 minutos nun partido igualado, con ocasións e moi boa primeira parte de os mariñáns
Burela, 23 de xaneiro, 2026. Primeiro partido da segunda volta na 2ª División de Fútbol Sala, no que o Reyco Burela se enfrontou a un enerxético Melistar, complicado encontro ante un rival que carrexa moi boa dinámica nas últimas xornadas. Partido que comeza cun minuto de silencio e no que debuta Torero saíndo como titular, cunha primeira parte para o Burela, aínda que non se reflectise no resultado e unha segunda para o Melistar, que soubo aproveitar ben as ocasións e coller vantaxe no marcador nos primeiros 10 minutos, aínda que cun resultado final avultado que non reflicte o partido.
Primeiras ocasións para o conxunto visitante que abre o partido con enerxía, non permitindo ningunha ocasión clara a o Melistar ata o minuto 3 no que Toureiro despexa co pé un disparo moi perigoso dende a área tras un roubo e contraataque dos locais. Ocasión clarísima de Izan que recibe un moi bo pase de Pitero, que á súa vez recibe de forma espectacular de Charly dende cancha propia, disparando o xogador vigués rozando o pau. Dispara preto da cruceta Mauro no 7 tras unha bonita deixada de Bingyoba e devólvea Rudchi pouco despois nun disparo parecido. Falta peligrosísima no minuto 8 que saca Izan pasándolla a Charly que remata cun disparo frontal, pero despexa Moha coas mans. Corre o tempo sen goles pero moito ritmo, con certo dominio do Burela. No 12, Alán róubaa en cancha rival e dispara fóra nunha boa ocasión de contraataque. A pesar dos numerosos intensos e a alta intensidade dos burelaos chega o 1-0 no minuto 14, un tanto de Anuar que chega correndo á área e dispara tras unha parede con Joaki. Boa combinación entre Izan, Raid, Charly e Pitero no 15, que finaliza o pivote burelense pero volve despexar Moha e téntao Charly no 17 pero volve atrapar o balón xunto ao pau o porteiro.
Sácaa co pé Torero no minuto 23 nun lanzamento de falta de Anuar que logra coar o balón raso pola defensa burlense ata o segundo pau, atopándose co porteiro recentemente chegado ao equipo. Segundos despois non logra finalizar Alán unha ocasión clarísima na área local e unha vez máis dous minutos despois nunha boa transición e combinación con Raid. Tras moitos intentos por fin chega o empate, un gol de Izan que a coa desde o segundo pau, rematando un disparo de falta de Bingyoba. Pero no 30 o Melistar logra adiantar o seu marcador cun golazo de Pedro Herreros por toda a escuadra. Vaise rozando a cruceta un bo disparo de Raid no 30 tras un saque de banda e sae Pitero coa camiseta de porteiro-xogador a falta de 7 minutos atacando con xogo de 5 en busca dun gol que achegue o marcador ao empate. Dispara Izan no 35, en situación de 5, pero atrapa Moha e repíteo Bingyoba segundos despois lanzándoa por encima do travesero. Continúa o xogo de 5 axexando a área visitante nestes últimos minutos de xogo e volve lanzar Raid no 37 despexando o porteiro local a córner. Por fin chega o 3-2, en situación de 5, Raid sorprende a Moha tras un bo pase de Alberto dun lado ao outro da área fronte á portería. Continúa o xogo de 5 con Pitero e a presión do Burela pero chega o 4-2, un gol de Ruchdi que remata só na área un bo pase vertical de Javi Ragel, nunha transición rápida con saque longo de porteiro. Continúa o ataque de 4 para 5 e a loita dun Burela que non se rende. Vaise por preto do segundo pau un disparo de Raid a un minuto do final e chega a sexta falta do Burela, disparando e anotando o dobre penalti Pedro Herreros, pechando o partido cun resultado final 5-2.
Ficha Técnica CD Melistar FS 5-2 Reyco Burela FS
CD Melisiar FS (5): Moha; Anuar, Javi Rangel, Joaki, Kavid Mesquita -quinteto inicial,- Rudchi, Pedro Herreros, Iván Fernández, Adri Mora, Salvi, Pablo González, Moha Haddouchi.
Reyco Burela FS (2): Torero; Pitero (C), Charly, Aberto, Izan, -quinteto inicial-, Alán, Raid, Bingyoba, Mauro, Nico.
Goles: 1-0, min. 14: Anuar. 1-1, min. 26: Izan. 2-1, min. 30: Pedro Herreros. 3-1, min. 31: Joaki. 3-2, min. 37: Raid. 4-2, min. 39: Ruchdi. 5-2, min. 40: Pedro Herreros.
Árbitros: Jorge González // Luis Mariano Sánchez // Leticia Góngora // Shaima Mohamed. Por parte do CD Melistar FS viron a tarxeta amarela Javi Rangel (18′) e Iván Fernández (32′). Por parte do Reyco Burela, Raid (15′), Mauro (16′), Izan (38′) e Bingyoba (38′)
Incidencias: Partido correspondente á xornada 16 de Segunda División Masculina disputado no pavillón Javier Imbroda Ortiz de Melilla.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
