Ribadeo, 26 de xaneiro de 2026. A formación dos obradoiros de emprego que comparten os Concellos de Ribadeo e de Barreiros impartirase no CFEA Pedro Murias. Así o deu a coñecer esta mañá o alcalde, Dani Vega.
O rexedor dixo que “desde o Concello e a Xunta de Galicia colaboramos para ter máis oferta educativa, apoiar os oficios, é dicir mocidade, persoas que se atopan sen emprego, que se incorporen ao mercado laboral. Ese é obxectivo. Pedro Murias está traballando nesa liña, é un dos centros educativos que ten oferta educativa, que financia e traballa directamente a Consellería de Medio Rural, pero nosoutros lanzamos unha proposta, unha proposta que foi ben acollida pola dirección de Pedro Murias, agradecemos o traballo conxunto co Concello e tamén á Consellería de Medio Rural.”
Vega explicou que “locais que estaban sen uso, que estaban certamente abandonados, entendíamos que podiámoslles dar unha segunda vida, é dicir, dedicalos á formación, coa colaboración do Concello de Ribadeo e tamén co Concello de Barreiros, porque o obradoiro de emprego Constrúe en Verde é unha proposta conxunta de dous Concellos que queren traballar na formación, que queren mellorar a súa formación dentro da mocidade, de persoas que se encontran sen emprego e incorporalas ao mercado laboral. Ese é obxectivo”.
Para o alcalde ribadense “Pedro Murias é un lugar idóneo. Pasamos de locais que non estaban adaptados á formación, que non eran edificios coa vocación da formación onde estabamos impartindo ata o de agora eses obradoiros de emprego, senón que son pavillóns para toda a actividade deportiva, e era difícil conxugar en horario, espazos, dificultaba moito a súa formación para acoller tanto alumnado”.
O rexedor subliñou que “este é un paso moi importante que en Pedro Murias seguimos dando formación, incrementando a formación, porque evidentemente en Pedro Murias hai formación regrada, tanto de forestal como de agroecoloxía, agricultura e gandería en ecolóxico, e tamén toda a oferta educativa non regrada que está ofertándose constantemente e agora incorporamos os obradoiros de emprego a Pedro Murías, a ese espazo ao que lle vamos dar una segunda vida cun obxectivo moi claro, a formación para unha busca activa de emprego. Agradecemos tanto á dirección de Pedro Murias o traballo conxunto que está facendo co Concello de Ribadeo, tamén neste caso co Concello de Barreiros, e todo o noso agradecemento á Consellería de Medio Rural por financiar 100 % estas obras”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
